اذكـآر وأدعيـة   دعاء من أصابته مصيبة   .. ما من مسلم تصيبه مصيبة فيقول كما أمره الله إنا لله وإنا إليه راجعون، اللهم أجرني في مصيبتي واخلف لي خيراً منها إلا أخلف الله له خيراً منها (رواه مسلم632/2)   دعاء الهم والحزن    .. ما أصاب عبداُ هم و لا حزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحاً رواه أحمد وصححها لألباني.لكلم الطيب ص74 اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ". كان رسول الله صلى الله عليه وسلم يكثر من هذا الدعاء   دعاء الغضب    .. أعوذ بالله من الشيطان الرجيم رواة مسلم .2015/4   دعاء الكرب    .. لاإله إلا الله العظيم الحليم ، لاإله إلا الله رب العرش العظيم ، لاإله إلا الله رب السموات ورب العرش الكريم متفق عليه قال صلى الله عليه وسلم دعاء المكروب : اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً صحيح . صحيح سنن ابن ماجه(959/3) قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له . صحيح .صحيح الترمذي 168/3   دعاء الفزع    .. لا إله إلا الله متفق عليه   ما يقول ويفعل من أذنب ذنباً    .. ما من عبد يذنب ذنباً فيتوضأ فيحسن الطهور ، ثم يقوم فيصلي ركعتين ، ثم يستغفر الله لذلك الذنب إلا غُفر له صحيح صحيح الجامع 173/5   من استصعب عليه أمر    .. اللهم لا سهل إلا ما جعلته سهلاً وأنت تجعل الحزن إذا شئت سهلاً رواة ابن السني وصححه الحافظ . الأذكار للنووي ص 106   ما يقول ويفعل من أتاه أمر يسره أو يكرهه    .. كان رسول الله عليه وسلم إذا أتاه أمر ه قال :الحمد لله الذي بنعمته تتم الصالحات و إذا أتاه أمر يكرهه قال : الحمد الله على كل حال صحيح صحيح الجامع 201/4 كان النبي صلى الله عليه وسلم إذا أتاه أمر يسره أو يُسر به خر ساجداً شكراً لله تبارك وتعالى حسن . صحيح ابن ماجه 233/1)   مايقول عند التعجب والأمر السار    .. سبحان الله متفق عليه الله أكبر البخاري الفتح441/8   في الشيء يراه ويعجبه ويخاف عليه العين    .. إذا رأى أحدكم من نفسه أو ماله أو أخيه ما يعجبه فليدع له بالبركة ، فإن العين حق صحيح. صحيح الجامع 212/1.سنن أبي داود286/1 . اللهم اكفنيهم بما شئت رواه مسلم 2300/4 حاب ، وهازم الأحزاب ، اهزمهم وانصرنا عليهم رواه مسلم 1363/3   دعاء صلاة الاستخارة    .. قال جابر بن عبدالله رضي الله عنهما : كان رسول الله صلى الله عليه وسلم ، يُعلمنا الاستخارة في الأمور كلها كما يعلمُنا السورة من القرآن ، يقول : إذا هم أحدكم بالأمر فليركع ركعتين من غير الفريضة ، ثم ليقل : اللهم إني أستخيرك بعلمك ، و أ ستقدرك بقدرتك ، وأسألك من فضلك العظيم فإنك تقدِرُ ولا أقدِرُ ، وتعلم ولا أعلم ، وأنت علام الغيوب ، اللهم إن كنت تعلم أن هذا الأمر -يسمي حاجته - خير لي في ديني ومعاشي وعاقبة أمري - أو قال : عاجلة و اجله - فاقدره لي ويسره لي ، ثم بارك لي فيه ، وإن كنت تعلم أن هذا الأمر شر في ديني ومعاشي وعاقبة أمري - أو قال : عاجله و أجله - فاصرفه عني واصرفني عنه ، واقدر لي الخير حيث كان ، ثم أرضني به رواه البخاري146/8   كفارة المجلس    .. من جلس في مجلس فكثر فيه لغطه ؟ فقال قبل أن يقوم من مجلسه ذلك : " سبحانك اللهم وبحمدك ، أشهد أن لا إله إلا أنت أستغفرك وأتوب إليك . إلا غفر له ما كان في مجلسه ذلك . صحيح. صحيح الترمذي 153/3   دعاء القنوت    .. اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي و لا يقضى عليك ، إنه لا يذل من واليت ، تباركت ربنا وتعاليت صحيح. صحيح ابن ماجه 194/1 اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك " صحيح. صحيح ابن ماجه 194/1 اللهم إياك نعبد ، و لك نُصلي ونسجد ، وإليك نسعى ونحقدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك . وهذا موقف على عمر رضي الله عنه . إسناد صحيح . الأوراد171/2-428   مايقال للمتزوج بعد عقد النكاح    .. بارك الله لك ، وبارك عليك ، وجمع بينكما في خير صحيح. صحيح سنن أبي داود 400/2 اللهم بارك فيهما وبارك لهما في أبنائهما رواه الطبراني في الكبير وحسنه الألباني. آداب الزفاف ص77) على الخير والبركة وعلى خير طائر رواه البخاري 36/7 ( طائر : أي على أفضل حظ ونصيب ، وطائر الإنسان : نصيبه) ما يقول ويفعل المتزوج إذا دخلت على زوجته ليله الزفاف يأخذ بناصيتها ويقول : اللهم إني أسألك من خيرها وخير ما جلبت عليه وأعوذ بك من شرها وشر ما جُلبت عليه حسن . صحيح ابن ماجه 324/1   الدعاء قبل الجماع    .. لو أن أحدكم إذا أراد أن يأتي أهله قال : بسم الله ، اللهم جنبنا الشيطان وجنب الشيطان ما رزقتنا ، فإنه يقدر بينهما ولد في ذلك لم يضره شيطان أبداً متفق عليه   الدعاء للمولود عند تحنيكه    .. كان رسول الله صلى الله عليه وسلم ، يؤتي بالصبيان فيدعو لهم بالبركة ويحنكهم صحيح . صحيح سنن أبي داود 961/3) (التحنيك : أن تمضغ التمر حتى يلين ، ثم تدلكه بحنك الصبي)   ما يعوذ به الأولاد    .. أعوذ بكلمات الله التامة ، من كل شيطان وهامه ، وكل عينِ لامه رواه البخاري الفتح 408/6   من أحس وجعاً في جسده    .. ضع يدك على الذي تألم من جسدك وقل : بسم الله ، ثلاثاً ، وقل سبع مرات : أعوذ بالله وقُدرته من شر ما أجد وأحاذر رواه مسلم1728/4   مايقال عند زيارة المريض ومايقرأ عليه لرقيته    .. لابأس طهور إن شاء الله رواه البخاري 118/4 اللهم اشف عبدك ينكأ لك عدواً ، أو يمشي لك إلى جنازة صحيح . صحيح سنن أبي داود 600/2 مامن عبد مسلم يعود مريضاً لم يحضر أجله فيقول سبعة مرات : أسأل الله العظيم رب العرش العظيم أن يشفيك إلا عوفي صحيح . صحيح الترمذي 210/2 بسم الله أرقيك من كل شئ يؤذيك ، من شر كل نفس ، وعين حاسدة بسم الله أرقيك ، والله يشفيك صحيح . صحيح الترمذي 287/1 أذهب الباس ، رب الناس ، إشف وأنت الشافي لاشفاء إلا شفاء لايُغادر سقماُ رواه البخاري الفتح 131/10   تذكرة في فضل عيادة المريض    .. قال صلى الله عليه وسلم : إن المسلم إذا عاد أخاه لم يزل في خرفة الجنة صحيح. صحيح الترمذي 285/1 قيل ما خُرفة الجنة ؟ قال : جناها . وقال صلى الله عليه وسلم :" مامن مُسلم يعود مُسلماً غُدوة ، إلا صل عليه سبعون ألف ملكِ حتى يُمسي ، وإن عاده عشيةَ إلا صلى عليه سبعون ألف ملكِ حتى يُصبح وكان له خريف في الجنة صحيح . صحيح الترمذي 286/1   مايقول من يئس من حياته    .. اللهم اغفر لي وارحمني وألحقني بالرفيق متفق عليه اللهم الرفيق الأعلى رواه مسلم1894/4   كراهية تمني الموت لضر نزل بالإنسان    .. لايدعون أحدكم بالموت لضر نزل به ولكن ليقل : اللهم أحيني ماكنت الحياة خيراً لي ، وتوفني إذا كانت الوفاة خيراً لي متفق عليه   من رأى مببتلى    .. من رأى مُبتلى فقال : الحمد لله الذي عافاني مما ابتلاك به ، وفضلني على كثير ممن خلق تفضيلاً لم يُصبه ذلك البلاًء صحيح. صحيح الترمذي 153/3   تلقين المحتضر    .. قال صلى الله عليه وسلم : لقنوا موتاكم قول : لاإله إلا الله رواه مسلم 631/2 من كان آخر كلامه لاإله إلا الله دخل الجنة صحيح . صحيح سنن أبي داود 602/2   الدعاء عند إغماض الميت    .. اللهم اغفر ( لفلان) ورفع درجته في المهديين واخلفه في عقبه في الغابرين واغفر لنا وله يارب العالمين وافسح له في قبره ونور له فيه رواه مسلم 634/2   مايقول من مات له ميت    .. مامن عبد تصيبه مصيبة فيقول :" إنا لله وإنا إليه راجعون، اللهم أجرني في مُصيبتي واخلف لي خيراً منها . إلا آجره الله تعالى في مصيبته وأخلف له خيراً منها رواه مسلم 632/2   الدعاء للميت في الصلاة عليه    .. اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ( ومن عذاب النار ) رواه مسلم 663/2 اللهم اغفر لحينا وميتنا ، وشاهدنا وغائبنا ، وصغيرنا وكبيرنا ، وذكرنا وأُنثانا ، اللهم من أحييته منا فأحييه على الإسلام ، ومن توفيته منا فتوفه على الإيمان ، اللهم لاتحرمنا أجره ولاتضلنا بعده صحيح. صحيح ابن ماجه 251/1 اللهم إن فلان بن فلان في ذمتك ، وحبل جوارك فقه من فتنة القبر وعذاب النار ، أنت الغفور الرحيم صحيح . صحيح ابن ماجه 25/1 اللهم عبدك وابن عبدك وابن امتك إحتاج إلى رحمتك ، وأنت غني عن عذابه ، إن كان مُحسناً فزده في حسناته ، وإن كان مُسئاً فتجاوز عنه واه الحاكم ووافقه الذهبي . انظر أحكام الجنائز للألباني ص159   وإن كان الميت صبياً    .. اللهم أعذه من عذاب القبر حسن . أحكام الجنائز للألباني ص161. اللهم اجعله فرطاً وسلفاً ، وأجراً موقوف على الحسن - البخاري تعليقاً   عند ادخال الميت القبر    .. بسم الله وبالله ، وعلى ملة رسول الله ( أو على سُنة رسول الله ) صحيح. صحيح الترمذي 306/1   مايقال بعد الدفن    .. كان النبي صلى الله عليه وسلم إذا فرغ من دفن الميت وقف عليه فقال :" استغفروا لأخيكم وسلوا له التثبيت فإنه الآن يُسأل صحيح . صحيح سنن أبي داود 620/2   دعاء زيارة القبور    .. السلام عليكم أهل الديار ، من المؤمنين والمسلمين ويرحم الله المُستقدمين منا والمستأخرين وإنا ، أن شاء الله بكم للاحقون رواه مسلم 671/2   دعاء التعزية    .. إن لله ماأخذ وله ماأعطى . وكل شئ عنده بأجل مُسمى ...فلتصبر ولتحتسب متفق عليه

الأربعاء، 17 فبراير 2010

زمن العجايب؟؟؟!!!


موضوع النهارده محيرنى قوى

وبقت حاجه عجيبه جدا ومنتشره فى مجتمعنا

ومبقتش عارفه انا اللى معقداها زياده عن اللزوم ولا ايه بالظبط؟؟؟؟؟

والموضوع دا هو الصداقه بين الولد والبنت (انا بقول الصداقه مش الزماله)

هو فى فعلا صداقه بين الولد والبنت ؟؟

طب لو فى صداقه يبقى فين العادات والتقاليد اللى اتعودنا عليها واللى اهلنا علمهولنا

اصل الدنيا خلاص مش صغيرة لدرجة ان البنت ماتلاقيش بنت تصاحبها والولد مايلاقيش ولد يصاحبه.

وكمان فى حاجات بتبقى بين البنات مينفعش تتقال للولاد

وفى حاجات بتبقى بين الولاد مينفعش تتقال للبنات

يعنى عمرها ما هتكون صداقه مكتمله

يعنى مثلا البنت هتقدر تحكى يومها كله للولد زى ما هتحكى لصاحبتها

يعنى لو بنت عملت كدا سورى يعنى يبقى خلاص مفيش حياء.

وكمان معنى ان فى صداقه بين الولد والبنت يعنى دايما مع بعض ويخرجوا مع بعض دا غير الكلام فى التليفونات .........وهكذا

وناس تفهم دا صح وناس تانيه تفهم دا غلط ويبدأوا فى الكلام اللى أى بنت اكيد فى غنى عنه.

وكمان لو نفترض ان فى صداقه حقيقيه بين الولد والبنت

يبقى بردو قدرهم انهم يتفرقوا

لان لو البنت دى اتخطبت مفيش راجل يقبل على نفسه ان خطيبته يكون ليها صديق

ونفس الحكايه بالنسبه للولد

دا اذا مقلبتش الصداقه بين الولد والبنت لقصه حب.

ولو حد مننا من انصار الصداقه بين الولد والبنت

ترضى ان اختك او بنتك يكون ليها صديق

يعنى تكون قاعد كدا وتلاقيها بتقولك انا رايحه اذاكر مع واحد صاحبى

او صاحبى عنده ظروف ولازم اكون واقفه جنبه فى الظروف دى!!!!!!!!

طبعا مش هتقولها طب روحى يا حبيبتى بس متتأخريش

لا هتكسر دماغها طبعا.

فبصراحه كدا اللى يجى يقول لا فى صداقه بين الولد والبنت

وتيجى تقوله طب ترضى كدا على اختك يقولك لا طبعا

فتقوله طب ما انت بتعمل كدا

يقوم يقولك اصل انا ضامن نفسى وضامن انى هحافظ على صديقتى دى بس مش ضامن غيرى........

طبعا لا تعليق

نيجى بقى من ناحيه الدين

انا عارفه انه مهما كان انا بردو مش مؤهله انى اتكلم فى الدين

بس بالعقل كدا

تعالوا نسال شويه اسئله كدا لنفسنا ونجاوب عليها

- مش ربنا أمرنا اننا نغض البصر؟ طب لو ليكى صديق هتكلميه مثلا وانتى موديه وشك الناحيه التانيه

- انكوا تبقوا قاعدين مع بعض لوحدكوا دا مش حرام

طب والهزار انا بجد بشوف حاجات عجيبه فى الجامعه

ان الولد والبنت يقعدوا يهزروا بالايد ويشدها من شعرها ومن الطرحه

فعلا احنا بقينا فى زمن العجايب

ممكن ناس منكوا تقول ان انا معقداها شويتين

بس دى وجهه نظرى فى الموضوع


ودلوقتى عاوزه اعرف رايكوا فى الصداقه بين الولد والبنت ؟؟؟؟؟؟؟

وطبعا اى وجهه نظر مهما كانت فهى تحترم

سواء كان مع الموضوع دا او لا.





هناك 93 تعليقًا:

بيطرية ومش بايدى يقول...

اوووووول
تحلييييييييييييييييييق
فووووووووووووووووووووووووووووو

بيطرية ومش بايدى يقول...

ياااااااااااااااولد يالعيب
والله زماااااااااااااان
فين ايام الاحتلالات والحاجات اللذيذة دى

الواحد حاسس انه عداله قرن مااحتلش المقعد الاول

بيطرية ومش بايدى يقول...
أزال المؤلف هذا التعليق.
بيطرية ومش بايدى يقول...

الصراحة عداكى العيب وازح
يابونيتى
مفيش حاجة غلط فى اللى انتى بتقوليه

وعلى فكرة بقى مش معقداها ولا حاجة

ده هو ده الكلام المظبوط

استنى استنى هاكمل لك فى تعليق تانى
ماهى فرحة بقى

أحمد الصعيدي يقول...

سيدتي أشكر لك موضوعك كثيرا ولن أعلق تفاديا لصفحات كثيرة قد أنسجها هنا ولكن يكفي أن أناصر موضوعك بشدة ومعجب جدا بكل ما تحدثتي عنه

وربنا يصلح حال العباد

السلام عليكم

sony2000 يقول...

ممكن اقول حاجه
لو هيبقي في صداقه بيقي بحود
مكلنا بنكون فالجامعه والشله كلها ولاد علي بنات واحب اقولك موقف
انا مامه وحده صحبتي توفت وهي ملهاش اخوات فمتعبرنا كلنا اخواتها واصحابها
بجد حسيت بقيمه الصداقه والاخوه فعلا فالوقت دا اما جينا ووقفنا معاها حتي مسبنهاش اما جت تبص لملمتها بنظره الوداع الاخيره
وكل واحد قام بدوره البنات وقفوا جنبها ومسبوهاش والولاد مسبوهاش ووقفو جنب باباها
الصداقه اللي بتقولي عليها دا مفهومه الواسع جدا
انا من رايي واللي شايفاه قدامي ان يكون في بس بحدود لان حتي البنات الاصدقاء هيفترقو هو الذمن بيخلي اصدقاء للابد او اعداء للأبد
تقبلي مرروري وتحياتي

غير معرف يقول...

الصداقة اللى بين الولد والبنت دى اصلا مش من الحاجات اللى فى ثقافتنا او فى تربيتنا اصلا وبدات شوية شوية تدخل ضمن العادات والعادى والمفيهاش مشكلة

مش كله بيوافق عليها بس فى بيوافق عليها و اللى يقولك انا ضامن نفسى والكلام ده فده فحد ذاته بيدل على انها مش حاجة اتربى عليها وانها عادى بالنسبة له انما اللى اتربى على كده وانها عادى على فكرة حتى لو مؤمن بان فى صداقة بس بيكون شكلها غير شكلها عند اللى عاوز يصاحب وخلاص بمعنى انه بيحترم البنت والبنت اللى اتربت على كده ممكن تكون مؤدبة ومحترمة بس الفكرة انها اتربت على كده ومبقتش تشوف فيها اى حاجة وزى ما فى صداقات بين الولاد والولاد وبين البنات والبنات نفسهم بتكون مش محترمه وفى صداقات بتكون محترمه ف برده بين الولاد والبنات صداقات محترمه ومش محترمه ومش لازم يكون اسمها صداقات اى حد فى حياته ممكن يكون يعرف ولاد بيعزهم اووى ومحترمين جداا و تعاملاتهم كلها ادب واحترام وذوق ممكن وقت ما بنحتاج حاجة بنلجا لهم او العكس ولو حد يقدر يساعد التانى بيساعده ولو فى شغل كلامى ده مش بقصد بيه الصداقة بس اقصد ان الفكرة مش فى المسمى ذاته وفى التصرف وازاى الناس بتشوفه والناس اللى بتشوف الصداقة دى تفكيرها ايه واتربت على ايه وبرده يمكن البنات والولاد اللى شفتيهم مش محترمين او اوفر فى تعاملاتهم مثلا يعنى يشد شعرها ولا يضربها اصلا ده مينفعش او مفيهوش حاجة من الاحترام ولو بين البنات والبنات نفسهم

معلش طولت عليكى بس يارب اكون وصلت لك وجهة نظرى ويارب تفهميها زى ما اقصدها

وموضوع حلو للنقاش عاجبنى

بنت قلبى يقول...

1- ازاى الاولاد هاتحس بيا وصحاب البنات اللى هما اكتر من اخواتى
مش هايحسو بيا
ديه حاجه فى قمه الاستحاله
لان صحابك البنات زيك زيهم وهايحسوا بيكى اكتر من اخواتك

2- لاى ولد بيكلم بنات انت بتكلم بنات اعرف مليون فى الميه ان اختك هاتكلم ولاد
واللى ماترضهوش لاختك ماترضهوش لغيرك


3- انا عن نفسى فى المجتمع اللى انا عايشه فيه وطريقته الغريبه اللى بيتعامل بيها مع الولد والبنت
لكل اسرة فى اى مكان لو هاتقبلوا ان ولادكم يكلموا بنات ( مع اختلاف الطريقه )
يبقى تقبلوا كمان ان بناتكم تعمل هى كممان كده
لان البنات لو عايزة تعمل اى حاجه هاتعلمها ومفيش حاجه هاتمنعها **؟؟

وانا رفضاها تمااااااااااما
لان اصلا مافيش حاجه اسمها صداقه بنت بولد

ريمان يقول...

السلام عليكم

بصى يا قمر البنت عمرها ما تقدر تستغنى عن صداقه البنات اللى زيها عشان فعلا فى حاجات مش تقدر تكلم فيها الا مع البنات بس
انما موضوع الاولاد ده او الشباب هى مش بتبقى صداقه بمعناها ده
بتبقى اخوه مثلا يعنى مثلا بتحتاج ليه فى موقف معينه بيكون الموقف ده محتاج راجل يحله بجدعنه بشهامه بقوه
انما موضوع الصداقه بمعناها الحقيقى بين ولد وبنت معرفش عنه حاجه بصراحه
تحياتى ليكى يا قمر
وانتى بجد وحشانى اوى اوى

بيطرية ومش بايدى يقول...

والله يابنتى انا اتكلمت كده فى الموضوع ده بس على منتدى الكلية بتاعنا
كان واحد فى سنة اولى قال ايه كاتب قصة حب مابين واحد صاحبه وواحدة
روحت انا كتبت له الكلام ده ماعجبوش الكلام وقالى اما هو يغض بصره ومش هيبص فى عنيها هيبص فين يعنى ؟؟
ومعجبوش الكلام واحلى حاجة بقى ان ادراة المنتدى شالت الموضوع من اصله
يعنى ربنا خلص تارى برده
انا هتكلم بصراحة يابينكى لان الموضوع دع حارق دمى بجد
عارفة اغبى حاجة ان البنت بيكون عندها الشهوة بتاعة انها تميل للطرف الاخر ومش اى بنت تقدر تكتم الشهوة دى
واى ولد ممكن يضحك عليها بكلمتين ويقولها ممكن نتعرف واحنا اصحاب ومش عارف ايه والهجس ده كله
وشوية يقولها انتى شيك اوى النهاردة وبعده يقولها عنيكى النهاردة تحفة بعده يقولها وحشتينى وهى مابتصدق تقوم تقوله وانا كمان
وتقع الفاس فى الراس

بيطرية ومش بايدى يقول...

انا بقول كفاية كده يحسن هاخبط فى الحلل
انا كنت هاعدى التعليق 30 والله بس النت المعفن فصل
ونسيت اللى كنت هاقوله
المهم الله يحرق اللى اخترع موضوع الصداقة ده
خلاص خلاص

راء يقول...

تمام يا شيماء

كل اللي انا مقتنعة بيه ان اي صداقة بين ولد وبنت استحيل تفضل صداقة..ديه نقطة

ثانيا ان الولد مهما كان تفكيره فهو ليه نطاق معين ..ميقدرش انه يحس بالبنت زي ما البنت تحس بالبنت زيها..فهتكون صداقه شبه فاشلة

وبعدين بتبقى مشمئزة اوي لما مثلا ابقى بهزر مع صحبتي زي ما بهزر مع ولد تاني

بصراحة انا ارفضه
وانتي عندك حق فعلا ف كل كلامك

غير معرف يقول...

اولا
هوا كلامك صحيح فى مجتمعنا وعاداتنا لا نتقبل الصداقه بين الطرفيين قد يكون هناك زماله واخوه فى حدود نطاق العمل او الدراسه
ولكن غريب امر النساء
هل الرجل هوا من يختار المرأه صديقه ويجبرها انها علاقه مشتركه
هل نتكلم على سوء الصداقه بين الطرفين ولا نتكلم عن سوء الحب
لربما كانت الصداقه ارقى من حب الجامعات الفاشل بنسبه 99 فى المائه
هل سنتكلم من منظور دينى؟؟
اذا من منظور دينى لا يجب الاختلاط من الاساس ولا يجب عمل المرأه فى كل المجالات
اذا قلنا ذلك ستتهموننا فورا بالرجعيه والتخلف وسى السيد وامينه والزمن البائد
عزيزتى
البوست رائع ولكن يجب توجيهه للبنات اولا لانها من تختار لاتختارى صديقا اختارى صديقه
عزيزتى وان كان كل الرجال سيئين فايها البنت العربيه فلتلتزمى بدينك وعاداتك وتقاليدك
اما الشباب صداقه المرأه لان تزيدك ولربما تثقل عليك وتؤثر على حياتك

فلنكن رجالا بمعنى الكلمه
ولتكن نساءا بمعنى الكلمه

ومتفق معكى بنسبه كبيره
وتحياتى على موضوعك الرائع

غير معرف يقول...

موضوع جاااااااااااااامد
تسلم ايدك يا بنكايه

بس متهيالى فى الزمن اللى احنا فيه دا مبقاش فيه صداقه بين اى حد
مش بين ولد وبنت وبس

لاسع افندى يقول...

لكل شيء حدود
ولكل العلاقات مسافات


تحياتى

قيس بن الملووووح يقول...

نحن في حاجه الي كل راي حكيم في مشاكل اصدقاء مدونة "دقات قلب بعد الخمسين"

Unknown يقول...

كلاااااااااامك كله صح

بس تفتكرى هيغير الواقع

ومين بيشيل الذنب اكتر فى رايك

البنت اللى سمحت لنفسها يكون ليها صديق

ولا الولد اللى مقدرش ان له اخت مثلا وممكن يحصل معاها كدة

بيتهيألى الاتنين بيشيلو الذنب مع بعض

واللى بيشيل قربة مخرومة ......


موضوع راااااااائع جدا على فكرة وجه فى معااده علشان الواحد يصلح حاجات فى حياته

Pink Dreams يقول...

بيطرية ومش بايدى

مبروووووووووووووووك عليكى اول تعليق يا قمرايه

Pink Dreams يقول...

ههههههههههههههههههههههه

يلا دت من حظى انا انك اول تعليق هنا


ومبروك عليكى المقعد الاول والتانى كمان

Pink Dreams يقول...

بيطرية ومش بايدى

فى ناس بتعتبر ان دا تعقيد زياده عن اللزوم

وعادى يا ستى مفيهاش حاجه ويقعدوا يكلموكى فى كلام هم اساسا مش عارفين معناه

ربنا يهدى


ههههههههههههههههههه

ومالو كملى فى تعليق تانى


المدونه مدونتك

واقعدى فيها براحتك على الاخر

بس طالما لسه هتقعدى شويه يبقى لازم واجب الضيافه تتعمل

ها تحبى بقى تشربى ايه؟؟؟؟؟

Pink Dreams يقول...

أحمد الصعيدي

وعليكم السلام ورحمه الله وبركاته يا احمد

ميرسى جدا ليك

مبسوطه ان الموضوع عجبكوا

نورتنى

Pink Dreams يقول...

sony2000

ما هو الزمن ممكن اه يفرق بين الاصحاب البنات والاصحاب الولاد لكن دا احتمال

يعنى ممكن الاصحاب البنات دول يتفرقوا واحتمال يفضلوا اصحاب لحد الموت

لكن الصداقه اللى بين الولد والبنت حتى لو كانت بحدود اول ما حد منهم يرتبط الصداقه دى خلاص بتنتهى

لان زى ما قولت فى البوست ان لو البنت اتخطبت مفيش واحد يقبل ان خطيبته يكون ليها صديق ولد

ونفس الموضوع للبنت
لان حتى لو الصداقه دى بحدود غصب عن الواحد اللى هترتبطى بيه اكيد هيغير وهتحصل مشاكل

وبردو هتسيبى الصديق دا

لكن لو صديقه بنت مش هيبقى فيها اى مشاكل واحتمال تفضلوا مع بعض وتزوروا بعض على طول والموضوع دا هيبقى عادى جدا

لكن مش معقول فى واحده بعد كدا تقول لزوجهاانا هتصل بصديقى عشان اتطمن عليه او اروح ازوره

عامه دا رايك ويحترم بردو

نورتينى يا قمر

Pink Dreams يقول...

star in the sky

بصى يا قمر

انا اللى فهمته من كلامك انك تقصدى الزماله اللى طبعا بيبقى فيها حدود واللى بتتفرض علينا فدى مش شايفه ان فيها حاجه

لان كدا كدا هيبقى فى اختلاط سواء فى الجامعه او فى الشغل فلو الكلام او المساعده اللى بتقولى عليها فى حدود الدراسه فى الجامعه او المساعده فى الشغل

فدى مفيهاش حاجه طالما مش بنتكلم فى الحياه الشخصيه وتعدينا الحدود

ويا حبيبتى الفكره وصلتنى

وانا عارفه انك متقصديش الصداقه بين الولد والبنت لكن بيبقى فى تبادل احترام وذوق وادب وكدا فى شغل او فى جامعه

نورتينى يا قمرايه

Pink Dreams يقول...

بنت قلبى

كلامك صح ميه فى الميه يا قمر

وانا معاكى طبعا

نورتينى يا قمر

حـــــروف متــبعترة " عــمرو الشــايب يقول...

اقوللك كلمة و نص زى ا قال البرنس الكبير احمد رجب نص كلمة هقولك انا كلمة و نص
انتتى موضعك كان فية رد على كل الاسئلة و مع احترامي اى حد كلة هيدخل يقول مجرد كلام سوري يا جماعة و احترامي لراي كل واحد انتى قولتي اسئلة و رديتي عليها صعب انك تلاقي حد يرد عليكي لو كانت اسئلة من غير اجابة منك كان الموضوع يبقى اسهل
و مع احترامي الكبير لكل حد قال رائية

Pink Dreams يقول...

ريمان

وعليكم السلام ورحمه الله وبركاته

بس يا ريمو انا مختلفه معاكى فى حاجه انا اللى فهمته من كلامك ان فى اخوه وكدا واننا ممكن نلجألهم لما يكون عندنا مشكله

يعنى مثلا فى المواقف اللى نحتاج فيها راجل بشهامته ليه مش يكون مثلا اخونا شقيقنا او بابا لو مش لينا اخوات ولاد

ولو مش عاوزه تحكيلهم ممكن بقى يبقى صحابنا البنات ممكن يساعدونا

يعنى فى كذا طريقه

وانتى كمان وحشانى قوى قوى يا قمرايه

وبجد نورتينى

Pink Dreams يقول...

بيطرية ومش بايدى

وجهه نظرك برددو دى اضافه للموضوع

وصح تماما

لان يوم بعد يوم هيتعودوا على بعض اكتر والصراحه فى الكلام هتزيد وطبعا البنت بتفرح لما يقعد يقولها انتى حلوه الهارده ايه العنين الجامده دى والحاجات دى كلها

وغصب عنها ممكن تميل ليه

Pink Dreams يقول...

بيطرية ومش بايدى

هههههههههههههههههههههههه

يا رب النت مش يفصل عندك تانى

ولو عندك اى اضافه تانيه للموضوع

طبعا زى ما قولتلك المدونه مدونتك

نورتينى يا قمرايه

امووووووووووووووواه

Pink Dreams يقول...

Just Smile

ان الولد مهما كان تفكيره فهو ليه نطاق معين ..ميقدرش انه يحس بالبنت زي ما البنت تحس بالبنت زيها..فهتكون صداقه شبه فاشلة

كلامك صح تماما

نورتينى

ووحشتينى موووووووت

Pink Dreams يقول...

رحله البحث

بص انا طبعا مع ان يكون فى زماله واخوه فى الدراسه او العمل

انا معاك تماما فى النقطه دى طالما فى حدود الاحترام والادب

اما من الناحيه الدينيه اللى حضرتك قولت فيها

اذا من منظور دينى لا يجب الاختلاط من الاساس ولا يجب عمل المرأه فى كل المجالات

فدى انا هختلف مع حضرتك شويه فيها

انا طبعا محبتش ارد على تعليقك بخصوص النقطه دى الا لما اشوف راى الدين فيها
والدين محرمش عمل المراه او قال انه لا يجب عملها

لكن قال انه مفيش مانع طالما اولا شغل محترم ومناسب

ثانيا طالما الاختلاط بين الرجال والنساء فى حدود الشرع يعنى مثلا مينفعش الاختلاء فى مكتب واحد ....الخ

امما عن عدم وجوب عملها فى جميع المجالات فدا مش صحيح

اما بالنسبه للنقطه التانيه من التعليق

فالبوست موجه للطرفين وطبعا مش كل الرجال سيئين ولا حاجه


ان كان كل الرجال سيئين فايها البنت العربيه فلتلتزمى بدينك وعاداتك وتقاليدك
اما الشباب صداقه المرأه لان تزيدك ولربما تثقل عليك وتؤثر على حياتك

فلنكن رجالا بمعنى الكلمه
ولتكن نساءا بمعنى الكلمه

انا مع حضرتك فى الجزء الاخير دا

نورتنى

وسعيده برايك والنقاش معك

دمت بحفظ الله

Pink Dreams يقول...

7annen


بس متهيالى فى الزمن اللى احنا فيه دا مبقاش فيه صداقه بين اى حد
مش بين ولد وبنت وبس

تفتكرى فعلا مفيش

شكرا على رايك

نورتى

Pink Dreams يقول...

لاسع افندى

اكيد لكل شىء حدود


نورتنى

Pink Dreams يقول...

قيس بن الملووووح

نورتى يا قيس

وان شاء الله ليا زياره للمدونه

Pink Dreams يقول...

egypt-moon

ومين بيشيل الذنب اكتر فى رايك

طبعا الاتنين بيشيلوا الذنب زى بعض


رايك صح

وانا متفقه معاك فيه

نورتنى

Pink Dreams يقول...

3mr wa2el

عندك حق وهجاول اخلى بالى المره الجايه

بس دا ميمنعش ان كل واحد قال رايه

وفى ناس اختلفت معايا فى رايى

وناقشنا الموضوع

بس وجهه نظرك تحترم طبعا

نورتنى

هيثــم رمضـــان يقول...

الصداقه شيء مهم جداً جداً والواحد لو ما عندوش أصدقاء بمعني الكلمه يبقي خسر كتير لأن الصديق الصح اللي بيكون معايا في وقت الشده قبل وقت الفرح واللي بيوجهني إذا أخطأت واللي ما بيبخلش عليا بنصيحه أنا بحتاجها وعلشان ماأخرجش عن الموضوع أنا شايف إن الصداقه بين البنت والولد شيء ضد طبيعتنا أقصد عادتنا وتقاليدنا ومن قبليهم دينا , وحتي لو كان هناك صداقه في حدود الأدب والاخلاق ولم يتعدي أي طرف حدوده فأعتقد إن دي حالات نادره جداً وما نقدرش نفتح ع البحري ونقول ماهي حاجه كويسه أهي, لييييييييييه؟
لأن طبيعة الولد وطبيعة البنت إن كل واحد فيهم بيميل للجنس الأخر وده شيء طبيعي ودي وجهة نظري لأن ممكن حد يقولي إيه النظرة الماديه دي؟ لكن أنا بأتكلم عن طبيعة بشرية حتي لو الإنسان مش في نيته إنشاء علاقه لكن مع الوقت بيقربوا من بعض والصداقه المزعومه في معظم الحالات بتتحول لعلاقة عاطفية ممكن تدخل بعد كده في إطارها الشرعي وممكن لأ , وزي ما إنتي قولتي لازم نفرق بين الصداقه والزماله لأن ده شيء مهم وما ينفعش نخلط بينهم , أما اللي إنتي بتقولي عليه بيحصل في الجامعه ده معلش ده لا علاقه له بالصداقه أبداً إنما له علاقه بالتسيب والإنحطاط الأخلاقي وغياب الوازع الديني وإنعدام الحياء اللي هو شعبه من شعب الإيمان سواء حياء البنت أو حياء الولد والمصيبه الكبيرة الفهم الخاطيء لما يحدث بإنه عادي!! يعني لما حد يعمل غلط- وكلنا بنغلط - بس عارف إن ده غلط يبقي في أمل لكن إنه يعمل غلط ومش دريان يبقي هنا المشكله.
والخلاصه إن الصداقه بين الجنسين مرفوضة لأنها ما تنفعش حتي لو كان في حالات صداقه محترمه لكن ما ينفعش نقول إن الصداقه بين الجنسين شيء عادي لأنه هيجلب مفاسد وعواقبه هتكون وخيمه.
وعلي فكره ده مش تزمت خالص لأن لو جينا بقي للحق المفروض مايكنش فيه إختلاط أصلاً زي مدارس وجامعة الأزهر لكن إحنا ظروف مجتمعنا كده ولازم نتعامل معاها يعني لازم يكون في زميلات دراسه أو عمل ويكون التعامل في حدود هذة الزماله.

تقريباً أنا كتبت بوست تاني أعذريني بس الموضوع مهم ومشجع علي الكتابة

تحياتي

شفـقــة و إحســــان يقول...

بصراحة مفيش حاجة اسمها صداقة بين البنت والولد بالرغم من التطور الفظيع اللى احنا بقينا عايشين فيه الا ان بنت وولد لازم علطول تتفهم غلط
احنا شرقيين وبتحكمنا عادات وتقاليد ما تسمحش انه يكون فيه علاقة من النوع ده
انا مع كلمة زمالة يعنى زميل عمل او دراسة وفى اضيق الحدود
اما صداقة بين بنت وولد فلا يجوز
شفقة

MaNoOoSh يقول...

أي صداقة بين ولد وبنت
أعتقد محكوم عليها بالفشل ان آجلا أو عاجلا

يا اما هتقلب لحب لو مكملش الصداقة دي هيتحكم عليها بالاعدام


يا اما صداقة وقتية نقدر نقول عليها زمالة سواء فى الجامعة أو في الشغل


والحقيقة ان عمر البنت ما بتقدر تحكي أسرارها للولد زي ما هتحكي لبنت صاحبتها

ولا الولد هيقدر يحكي اسرارة لبنت زي ما هيحكي لصاحبه الولد

كل منهم هيفضل يحتفظ بصورتة الحلوة قدام التاني

صوت من مصر يقول...

اسف لكلامك كله
لكن اظن ان كلامك والعادات والتقاليد وده عيب وده حرام " مع انه مش حرام " يؤدى لمشاكل نفسيه كبيرة
لو بنت تعرف ولد وفى بينهم صداقه ومحترمة تبقى غلط ازاى
اشرحيلى
هو لازم البنت تبقى معقدة وتنشن وعامله فيها زى الستات اللى من صنف ماجده فى الافلام القديمة
او الولد لازم يبقى خجول وكيوت ومش قادر يكلم البنت لانه خايف
من حقى اضحك

Unknown يقول...

والله انا معاك في كل الأمور
وده مش تعقيد ولا تزمت بس دعه اللي تربينا عليه ودينا أمرنا بيه

ويبقى التواصل

ضحكات الحياة يقول...

السلام عليكم

بينك اخبارك ايه و اخبار الامتحانات ايه ؟

و مش هاسألك اخبار الجامعه ايه لأنه باين في البوست
هههههه

ضحكات الحياة يقول...

بصي انا وجهه نظري في الموضوع ده كالاتي

ان فعلا في بقت مهازل بتحصل في الجامعه و بقي كلام فاضي و من الاخر قله ادب و لا عمرنا في حياتنا كنا بنعمل كده
الامر بقي تفاقم ازاي و ايه اللي حصل محدش يعرف بس نخلينا في الواقع اللي احنا فيه دلوقتي

الاختلاط بين الولد و البنت بيبقي حتمي يعني الواحد مسيره هيتعامل مع بنت في الكلية في الشغل و لكن فين الحدود بين الولد و البنت ؟؟؟؟
مينفعش كلام ده زي اخويا و دي زي اختي ياسلااااااااااام و بعدين زي ما بتقولي يعني خلاص ما وقفتش يعني مفيش ولاد تصاحبهم او بنات تصاحبيهم

اهم حاجة الواحد فعلا يشوف حدود التعامل لأن احنا لغينا الحدود اساسا

ضحكات الحياة يقول...

ايييييييييييه يا بنكي هنعمل ايه يا بنتي الحياة بقت غريبة
weard يعني
ههههههههه

الواحد يزرع كوسه يطلعله بطاطس و اهي ماشية ربنا يستر

غير معرف يقول...

مووضوعك جاامد فعلا

ومعك حق بالي قولتيه ومش مزوداها ولا حاجة

وخصوصا الصداقة في الواقع لكن عالنت ارحم شوية

يسلملي دماغك الكبير

وحشتني اووووووي

يارب تكوني بالف خير

اموووووووووواه

وحضن كبيرررررررررر

سفيرة المحبه يقول...

السلاااام عليكم ورحمة الله
حيــــــــاك الله حبيبتي واشكرك ع الموضوع هذا
بالنسبه للصداقه بين الولد والبنت طبعا بالنسبه لمجتمعاتنا فهذا شيء مرفوض لا النااااس بسرعه تسيء الظن ويروح بالها بعيد.
أمابالنسبه لي شخصيا لا امانعها لكن بشروط طبعا لان هناك اماكن لا بد للجنسين بها من الاختلاط وخصوصا في اماكن الدراسه والعمل
لهذا لاباس ولكن ضمن الحدود اللتي حددها الشرع والعادات والتقاليد
اما بالنسه للنقطه لي قلتي بتشوفي في الجامعه الشاااب يشد البنت يدها وشعرهاوو فأحب ان اقول انه هذي قلة ادب وان البنت هي المسؤوله طبعاا و بالدرجه الاولى لانها هي من تسمح بهـ الشي
ولو كانت اخته لما كان سمح بكذا
تحيــــــاتي لك اختي ^^

م/ محمد صالح يقول...

وجهت نظرك محترمة جدا وبتعبر عن حقيقة
ولكن ارجع واقول انه لا مفر من وجود نوع من التعامل مع الولد والبنت فى ظل الحياة اليومية وعليكى انت تجدى له الاسم المناسب ( صداقة - زماله - ....)
الاسم مش مهم المهم هو انه لازم يكون فى حدود لا يتخطاها الطرفين والحدود دى هى حدود الادب والدين
والاخلاق وعلى فكرة فى ساعات كتير الواحد بيحتاج رأى الطرف التانى اكتر
بس فى الاول وفى الاخر
شخصية الاتنين هى اللى بتحدد مدى العلاقة دى وهل هى مقبولة ام ر من حيث تمسكهم بدينهة اخلاقهم

تايلاند يقول...

مدونة رائعة وقلم اروع

Pink Dreams يقول...

هيثــم رمضـــان

فعلا انا معاك تماما

وانا مقولتش ان مفيش زماله لان دى حاجه بتفرضها علينا الدراسه او الشغل وطالما التعامل فى حدود الاحترام خلاص المهم الحكايه مش تتطور ونقعد بقى نتكلم فى حاجات شخصيه وتقلب لصداقه

وعلى فكره انا بحب التعليقات الطويله لانها بتوضح وجهه نظرك كامله

ميرسى على التعليق

اللى وضح وجهه نظ تانيه للموضوع

دمت بكل ود

عايش... ولكن !!!! يقول...

انا عن نفسى شايف ان فى صداقه بين ولد وبنت ولكن بحدود وحطى تحت لكن دى 90 خط
انا من تجاربى بقالى تقريبا 4 سنين فى صداقه مع بنت وبجد هيا ساعدتنى فى حاجات كتير وانا ساعدتها فى حاجات كتير اعتقد اننا بدون الصداقه دى كنا هنخسر كتير
عارفه لو كل واحد يتعامل مع البنت اللى عرفها سواء حبيبه او صديقه بخوف عليها وحنيه زى ما بيخاف ويحن على اخته كده هيبقى الموضوع اسهل كتير

منكرش ان مجتمعنا بأفكاره لما بيشوف ولد وبنت بيظن فيهم ظن سىء
وحاليا بقا الموضوع مش ظن ده بقا يقين لكثرة الحداث المؤسفه اللى بتحصل
بس لو رجعنا للأسباب اعتقد ان احد اهم الاسباب دى ... المساواه اللى بيسعوا ليها بالرجال علشان يقلدوا الغرب فى حين ان الغرب حاليا ( امريكا وكندا ) بدأوا فى مشروع انهم يرجعوا بالمرأه للحقوق الطبيعيه لان المرأه هناك فقدت انوثتها واصبحت كما الرجل وتقدرى تتأكدى من كلامى ده لانى قريت بحث عن الموضوع ده
تحياتى

طـائر الليــل الحـزين يقول...

منورة يا قمر
ومتشكرة جدا على سؤالك يا قمريا
بالنسبة لموضوع البوست
انا بحترم رايك
انا شايفة ان ممكن بس فى حدود
يعنى طبعا مش هتوصل لدرجة انهم يزاكروا مع بعض
بس ممكن يكون لو هما زملة فى شغل او دراسة
يكون فى طريقة للكلام
مش بتعمد يعنى
ممكن يقدروا يستفيدوا من بعض
من غير ما يزودوها

ممكن كمان عن طريع الشات او التليفونات يطمنوا على بعض
مش شرط كل يوم بس من وقت للتانى
من غير اى احساس انهم بيسئوا لبعض
وانا لية راى
ان اللى يجاوب انه مش يقبل كده على اخته
يبقى هو انسان مش سوى
ونيته ممكن مش تكون سليمة مع زمايلاته
او اصدقائه

شبــ اون لاين ـــاب يقول...

اسف بجد على انى مش بقدر اتابع اول باول

لكن انا قررت اتابع زى زمان

و رجعت مره تانيه للتواصل


------------------------
كان معكى من امام الكيبورد
واحد مخه لاسع شويه
شبــــ اون لاين ـــاب
الاسكندريه
------------------------

Pink Dreams يقول...

شفـقــة و إحســــان

طبعا الزماله مفيش فيها مشكله لانها بتكون فى حدود الشغل او الدراسه ومش بتزيد عن كدا

نورتينى يا قمر

Pink Dreams يقول...

MaNoOoSh

فعلا عندك حق كل واحد منهم هيحاول يحلى صورته قدام التانى

نورتينى يا قمر

Pink Dreams يقول...

صوت من مصر

((((((لكن اظن ان كلامك والعادات والتقاليد وده عيب وده حرام " مع انه مش حرام " يؤدى لمشاكل نفسيه كبيرة
لو بنت تعرف ولد وفى بينهم صداقه ومحترمة تبقى غلط ازاى
اشرحيلى )))))

انا حددت فى الاول انى بتكلم عن الصداقه مش الزماله لان الزماله هى اللى بتكون زماله شغل او دراسه ودى عادى مفيهاش حاجه لما نساعد بعض طالما فى حدد الاحترام والادب
اما عن الصداقه فانا قولت فى البوست هى مرفوضه ليه

اما عن حكايه حرام
فحضرتك قلت ان انا قولت انه حرام " مع انه مش حرام"

فانا طبعا مش معاك فى النقطه دى لانى قبل ما اتكلم فى نقطه الدين دى انا شوفت رأى الدين فيها (وانا بأكد تانى انى اقصد الصداقه مش الزماله )

ودا راى الدين طبعا انا مش كتباه من دماغى انا جبته من موقع

دور على معنى أيه ""وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ ""

***يقول المولى عز وجل {ولا متخذات أخدان} النساء 25 ، ومعنى قوله عز وجل {متخذات أخدان} أى متخذات أخلاء ومن هذا فلا يجوز للفتاة أن تتخذ رفيق لها أو صاحب لها وعدم الإجازة نص كريم صريح وفي هذا حكمة من الله عز وجل فإن المرأة عاطفية بطبيعتها ولو دخلت فى علاقة مع شاب وتوسمت فيه زوجاً صالحاً لها وإرتضته لنفسها وقام الشاب بخداعها ، لأثر ذلك فى نفسها تأثيراً سلبياً وترك فى نفسها جرحاً لا يندمل أبداً ، والله أحرص علينا من أنفسنا لذلك علينا أن نتمسك بتعاليمه وأوامره وابتغاء مرضاته ....

وحضرتك اكتب فى جوجل عن راى الدين فى الصداقه بين الولد والبنت وهتعرف اذا كان حرام ولا حلال

دا غير ان فى حاجه اسمها "حياء" لما يضيع حياء البنت اللى هو اجمل كا فيها بانها تكلم دا ودا يبقى فاضل ايه


ميرسى على رايك مع انى مكنتش شايفه ان رأيى فيه حاجه تضحك

Pink Dreams يقول...

معتز شاهين

مبسوطه جدا لزياره حضرتك

نورتنى

Pink Dreams يقول...

ضحكات الحياة

وعليكم السلام ورحمه الله وبركاته

الحمد لله بخير

وحمدلله على سلامتك

Pink Dreams يقول...

ضحكات الحياة

طبعا انا رأيى من ناحيه الزماله دا شىء حتمى

طالما فى حدود الاحترام والشرع خاصه ان ربنا محرموش
طالما زماله ومراعيين الحدود الشرعيه فى التعامل

Pink Dreams يقول...

ضحكات الحياة

ههههههههههههههههههه

ايييييييييييه دنيا

نورتنى يا جميل

Pink Dreams يقول...

نـــوارة

وانتى وحشتينى اكتر يا قمرايه

ووحشنى الكلام معاكى

امووووووووووووووووووواه

Pink Dreams يقول...

سفيرة المحبه

وعليكم السلام ورحمه الله وبركاته

"""أمابالنسبه لي شخصيا لا امانعها لكن بشروط طبعا لان هناك اماكن لا بد للجنسين بها من الاختلاط وخصوصا في اماكن الدراسه والعمل"""

ما هو انا حددت فى الاول انى بتكلم عن الصداقه مش الزماله

لان فى فرق كبير قوى بينهم

الصداقه هى اللى انا اتكلمت عنها

اما الزماله فدا اللى انتى قولتيه ودا طبعا انا معاكى فيه

لان غصب عننا هيكون فيه اختلاط فى الدراسه او الشغل

نورتينى

Pink Dreams يقول...

م/ محمد صالح

لا طبعا فى فرق كبير بين الصداقه وبين الزماله

الصداقه ان انت تحكى حياتك الشخصيه للطرف الاخر وهيبقى فى نوع التوسع فى الحدود بين الطرفين

اما الزماله فهى الاختلاط العادى بين الطرفين فى الشغل او مكان الدراسه ويكون حدودهم هو المكان الدراسى ومكان الشغل ويكون فى تعاون بينهم وكل حاجه بس فى حدود المكان اللى بيتجمعوا فيه زى ما قولت سواء فى الشغل او المكان الدراسى

اما الصداقه فبتكون حدودها خارج اطار الشغل والدراسه شويه

نورت فى اول زياره ليك واتمنى انها متكونش الاخيره

دمت بكل ود

Pink Dreams يقول...

تايلاند


ميرسى جدا ليك

اتمنى دوام التواصل

Pink Dreams يقول...

عايش... ولكن

ما هى المشكله ان حتى لو نيتكوا سليمه وفى حدود فى الصداقه دى وكل حاجه

بس ممكن طرف منكوا يميل للتانى غصب عنه وهنا بقى ممكن تتشال الحدود شويه بشويه

واعذرنى لو قلت ان فى ناس فعلا ممكن تفهم الحكايه دى غلط وتتكلم كلام انتوا الاتنين اكيد فى غنى عنه وانت طبعا اكيد بردو بتخاف عليها ومش هترضالها ان حد يتكلم عليها اى كلام

خاصه ان فى مهازل بتحصل اليومين دول

فذى ما بيتقال الحسنه تخص والسيئه تعم

نورتنى

Pink Dreams يقول...

طـــائر الليــــل الحـــــزين

دا نورك انتى يا قمرايه

طبعا انا معاكى ميه فى الميه

لان اللى بتتكلمى عنه دا اسمه زماله
والزماله دى حتى الشرع محرمهاش طالما فى الاطار الشرعى وحدود الادب والاحترام

وان يكون شغلنا دا بيحتم علينا التعامل مع الجنس الاخر

اما عن حكايه الاطمئنان بالتليفونات

فدى أراء

نرتينى يا قمر

وحمدلله على سلامتك

Pink Dreams يقول...

شبــ اون لاين ـــاب

اهلا بيك من تانى

ربنا يديم التواصل

ومستنيه رايك فى الموضوع اللى بنتكلم عنه

" red rose " يقول...

ازيــــك ياشوشو
اولا وحشتينى اوى والله
ثانيا حمدلله على سلامتك وانا عارفه انها متأخره منى بس معلش والله ظروف عندى مخليانى مش بدخل نت الا قليل جدا
ثالثاموضوعك بجد بشكرك عليه
لانى بجد نفس الحكايه مضيقانى جدا وللاسف لما بشوف كده بتعصب وبقول معدش فيه ليه خجل واحترام زى زمان
ليه الدنيا بتتنيل اكتر مبتتقدمش
ليه بنقول كان زمان ليه معدش حياء كان ايام زمان نسمع ان البنات بتبقى وشها فى الارض من الخجل ومينفعش ترمى حتى السلام على حد متعرفوش
بصى اللى عاوزه اقولهولك اننا روحنا فى داهيه الصراحه
مش الصداقه بس اللى المفروض نتكلم عليها لو هناخدها بالترتيب يبقى المفروض فيه تربيه فى الاساس سليم
وتدين ومش هقول ان كل الناس كده لا فى ناس والله عاقله وبيبقى فى عندها حدود فى الكلام وبتخلى الانسان اللى قدامها يحترمها غصب عنوا بس بالرغم من انى بنت انا بجد هقول ان البنات هى الغلطانه
مهو مش معقول ولد هيجبر البنت على انوا يهزر معاها بإسلوب يتعدى الحدود الا ان كانت هى مرحبه بده ومفيش واحد هيجبر واحده انها تحكيلوا عن كل خصوصيتها
زى ماتقولى احنا بقينا فى دنيا صعبه وللأسف لسه كمان ياما هنشوف
طبعا انا مش موافقه على صداقه بين ولد وبنت دى نهائى
فى زماله وبحدود اما صداقه دى موضه متخلفه ياعنى بدل مانقول صاحب صاحبه هنقول صاحب صحبته
بجد مهما قولت فى موضوعك ده ياشوشو مش هقول كل اللى عاوزه اقولوا
بس بجد موضوع مهم وده طبعا مش جديد انك كل موضوعاتك مهمه ومينفعش حد يخش كده عندك من غير مايقول رأيه

تقبلى مرورى ياقمر

جمهورية شومبونجو العربية يقول...

السلام عليكم ورحمه الله

اولا: موضوع شيق و احترم رايك فى الموضوع دة

ثانيا: هو ياعنى ايه الصداقه فى الاول

بغض النظر لو كانت مع الولد او البنت

الصداقه هى شئ بتجمع الاشخاص على الالفه بينهم ويكون فى ترايط بينهم من حيث وجه النظر ومن حيث الشخصيه اللى انتى بتتعاملى معها

بلبلدى كدة تكونى وثقه فيه وفى تربيته واخلاقه وعارف انتى بتتكلمى مين

علشان كدة لما الواحد بيختار صديقه بيكون اختيارة عقلانى بيعرف يفرق بين دة ودة

بس لما نيجى ونتكلم على الصداقه بين الولد والبنت بتكون الصداقه بحدود
ياعنى فى احترام بين الاتنين وهو دة اللى بيخلى الصداقه بينهم تستمر

ياعنى مفيش اب ولا ام هيخلى بنتهوم تروح تذاكر عند واحد صاحبها

ولاة تخرج معاه فى اى مكان بدون علمهم
الا اذا هو مش واثق فيها وفى تربيتها
وتعمل كل دة من وراهم

وجهى نظرى فى الموضوع دة ان فى صداقه بين ولد او بنت بس الفرق فى التعامل بينهم

لو الولد محترم ومتربى مستحيل هيعرف واحدة مش كويسه وتكون هى دى صديقته

والعكس لو فى بنت محترمه مستحيل هتعرف واحد مش كويس ويكونو اصحاب
ومش كل حاجه بتتقال للولد ولاة كلا حاجه بتتقال للبنت
يبقى فى الاساس التربيه عليها عامل قوى

يبقى الصداقه المبنيه على الاحترام والثقه المتبادله يبقى مفيش مانع بيها
(دى وجه نظرى المتواضعه)

مع الشرط الاساسلى والمهم هى معرفه الاهل بنوع الصداقه دى

يعنى يكون الاهل عندهم العلم ان بنتهم بتعرف مين

ياعنى لو انا عندى بنت جت وقلتلى بابا انا عندى كورس عند واحد زميلى
(طبعا وانا عارف ان بنتى متربيه)
الطابيعى اقولها مين دة
ساكن فين
عرفينى بيه وكدة... لغايه ما انا اطمن على البنت

انا شحصياّّ ليا اصدقاء بنات محترمين جدا وكويسين
وبحس انهم اخواتى واصحابى واللى مردهوش عليا مردهوش ليهم

بس فى الاخر الاساس فى تربيه البنت والولد ومتابعه الاهل ليهم


انا اسف على الاطاله بجد
بس موضوع قيم جدا
احيكى عليه
فى رعايه الله


رئيس الجمهوريه

طهر فؤادك يقول...

السلام عليكم ورحمة الله وبركاتة

ماشاء الله عليكى

وبارك الله فيكى

موضوع جميل جداا فعلا وبوست اكثر من رائع وفعلا ولا الدين ولا الشرع بيقولوا ان الصداقة دى تكون موجودة لانة كمان مدخل من مداخل الشيطان وبيكون دايما الشيطان ثالثهما ... فياريت نخلى بالنا من النقطة دى ونربى بناتنا واولادنا على كدة من الصغر ..

وتقبلى مرورى

فشكووول يقول...

ازيك يا دريمز
انت عندك حق .. الحقيقه الصادمه اللى احنا مش عايزين نعترف بيها ان ما فيش صداقه بين الولد والبنت .. الحقيقه الاكيده ان اللى بين الولد والبنت حببببببببببببب .. دا اللى ممكن يكون ودا مش عيب لو خد طريقه الطبيعى والشرعى والقانونى زى كل الاديان ما بتقول .
بس خلاص .. ربنا يستر على فشكول وما يحدفوهش بالطوب

تحياتى

♥نبع الغرام♥♪≈ يقول...

وحشتنى

كل سنه وانتى طيبه ياقمر بمناسبة المولد النبوى الشريف واسرتك الكريمه حبيبتى

♥نبع الغرام♥♪≈ يقول...

بوست جميل وكلام اجمل بس ياترى

مين يسمع ومين ينفذ هى دى حياتنا ومافيش غنى عنها
تحياتى ليكى ياقمرى
واسفه على التأخير
تحياتى

غير معرف يقول...

بيطرية كدا بدأت تاخد مكانى ينفع كدا
ياجميييل
طيب انا هتنازل بس عشان هى صحبتى :)
اخباااااارك ايه
وحشانى االاول :):)
بصى موضوعك جميل
هتلاقى المعظم يقولك صداقة بس بحدود
لكن لو يرضى دا لاخته يبقى له الكلام
لان المفروض اللى مش يرضاه لاخته ميرضهوش لاى بنت
واللى بيقول بحبها
خليها فى يوم كدا وهما مع بعض
تقولوا ايه دا اختك هناك اهه مع واحد
خليها بس تشوف رد فعله
اذا كان
انفعال وهيقوم يجرى يشوف اخته
هتعرف وقتها انه مبيحبهاش لانه خاف على اخته ومخفش عليها
وان مقمش وطنش فدا طبعا معندوش نخوة وساعتها هى متأمنش انها تكمل معاه العمر
وتسلم ياجميل على الموضوع دا
لا اله الا الله
ياترى عرفتينى ولا لسه بتقولى مين دى هههه

Pink Dreams يقول...

moon light

الحمد لله يا قمر بخير

وانتى كمان وحشتينى قوى

الله يسلمك حبيبتى

ولا يهمك المهم اننا بنطمن على بعض وانك بخير

عارفه نفسى قوى نرجع زى زمان ايام ما كان البنت بتتكسف من اى كلمه حلوه تتقالها وكمان ايام ما كان فيه حياء وانوثه فى البنت

دلوقتى بقى بتلاقى بعض البنات هم اللى ماشيين يعاكسوا فى الولاد

وبجد دا بيحصل قدامى ومش ببالغ ولا حاجه

واكيد طبعا دى حاجه بردو راجعه للبنت زى ما قولتى يعنى انا بشوف ان فى بنات بتهزر مع ولاد بهدوء ولا بصوت عالى ولا بكلام ممكن يحرج الاتنين اما بقى فى بنات تانيه تهزر بالايد وبألفاظ مش عارفه ازاى هى ممكن تخرج من بنت اساسا

بجد نورتينى

وميرسى لرايك

Pink Dreams يقول...

جمهورية شومبونجو العربية

وعليكم السلام ورحمه الله وبركاته

هو اظن ان اللى بتتكلم عنه دا نوع من الزماله

انا عارفه ان فى ناس كويسه بس فى الزمن دا مبقناش نقدر نفرق

لان الوحش بيمثل انه كويس وجدع و و و

لكن فى الاخر ممكن نكتشف انه حاجه تانيه خالص

عشان كدا بلاها احسن الحكايه دى

بس انا بحترم الزماله جدا

لان مهما كان اكيد هيكون فى اختلاط فى شغل او دراسه
طالما فى حدود الادب والاحترام والالتزام بالشرع خلاص

نورت المدونه يا سياده الريس

Pink Dreams يقول...

طهر فؤادك

ميرسى جدا لرأى حضرتك

ودى كمان نقطه مهمه فى الموضوع

دمت بكل ود

Pink Dreams يقول...

فشكووول

الحمد لله يا عمو فشكول بخير

انا بجد فرحانه جدااااااااا بزياره حضرتك دى وتعليقك فى المدونه

لان رأى حضرتك يهمنى جدا

هههههههههههههههههه

مفيش طوب ولا حاجه

رأى حضرتك صح تماما
اى حاجه فى النور وبشرع ربنا اكيد ربنا هيوفقنا فيها

نورتنى

Pink Dreams يقول...

إبتسامة ملاك

ازيك انتى يا قمر

وانتى كمان وحشانى موووووووووت

وانتى طيبه يا قمرايه

Pink Dreams يقول...

ابتسامة ملاك

يلا مجتش على دى

نورتينى يا قمرايه

Pink Dreams يقول...

غير معرف

ههههههههههههههه

هى وانتى واحد بقى يا توتا

وانتى كمان وحشانى بجد

هو فعلا موقف يخلى اى واحد يولع مهما كان ديمقراطى بقى ويوقل لا عادى دى صداقه عاديه بين اختى وصاحبها

نورتينى يا قمر

عارفاكى متقلقيش

وابقى افتحى الميل بقى عشان وحشتينى وبقالنا كتير مش اتكلمنا يا توتا

محمد رسول الله

♥ ♥ Amira Samy ♥ ♥ يقول...

كلامك كلة صح عداك العيب وأزح
وشكراً لزيارتك مدونتى المتواضعة ويدوم التواصل بأزن الله

Pink Dreams يقول...

سلسبيل

ميرسى يا قمر على زيارتك

اتمنى دوام التواصل

نورتى

micheal يقول...

حكلمك بصراحة ومن منظور شخصي بحت..يعني مش عارف إذا كان كلامي ده ينفع س أو ص من الناس يطبقه ولا لأ
أنا مش بقتنع بأي حواجز في علاقة الصداقة بين البنت والولد...بالنسبة لي هي مسألة درجة ثقتي في اللي قدامي سواء كانت أنثى أو ذكر
أقرب صحابي بنات وعلى فكرة ساعات كتير ممكن أقولهم حاجات أكسف بجد أقولها لولاد كتير
:)
تحياتي

اعشق فى الليل ضوء القمر يقول...

السلام عليكم
انت مش معقداها ولا حاجه
كلامك صح
وتفكيرك كمان صح

بس سؤال ليه صورة القمر مع موضوع البوست

غير معرف يقول...

ازيك ياقلبي

مختفية فييين

وحشتيني اووووووووي

بالحضضضضضضضضضضن

اموووواه

فشكووول يقول...

ازيك يا بنك دريم ياحلوة الحلوين
تحياتى

NeVeN يقول...

انتى قولتى كل الكلام الصح
بس هى ممكن تنفع لو زمالة فى الدراسة او العمل ويكون بحدود غير كدة مش هينفع
وصدقينى الكلام دة فى ناس بتشوفه دلوقتى ان لو بنت مثلا فى الجامعة و حددت علاقتها بزمايلها الولاد بيقولو عليها بنت معقدة وغريبة
هينفع كدة تبقى واحدة ماشية مع خطيبها ولا جوزها وتقابل واحد تقف تسلم عليه وتتكلم وتحكى وبعدين تقوله اه دة صاحبى؟ حتى كلمة مش ظريفة خالص
وهتتسبب فى مشاكل

Pink Dreams يقول...

micheal

لا طبعا دا رايك الشخصى ولازم احترمه

نورتنى

Pink Dreams يقول...

اعشق فى الليل ضوء القمر

وعليكم السلام ورحمه الله وبركاته

ميرسى لكلامك

اما عن الصوره فانا حطتها لانها عجبتنى

نورتنى

Pink Dreams يقول...

نـــوارة

انا الحمد لله بخير يا قمر

وانتى كمان وحشتينى اكتر

انا بس مشغوله شويه فى الجامعه

متحرمش من سؤالك يا رب

امووووووووووووواه

Pink Dreams يقول...

فشكووول

ازيك يا عمو فشكووووووول

بجد زياره حضرتك دى غاليه عندى قوى قوى

وببقى مبسوطه جدا بزيارتك

يا رب منورنى دايما

Pink Dreams يقول...

NeVeN

اه طبعا فى فرق كبير بين الزماله والصداقه

وانتى قولتى المفيد فى ردك

نورتينى فى اول زياره ليكى لمدونتى واتمنى انها متكونش الاخيره

swma hamdy يقول...

اولاربنايكون فى عونك من كمية التعليقات دى وانتى طبعا عارفة راى فى الموضوع دةانامعاكى لامحالة وانتى صح واى حدتانى يقول غيركدة يبقى هواللى غلط اسماءحمدى

Pink Dreams يقول...

swma hamdy

يا اهلا يا اهلا يا اهلا بيكى

بجد المدونه نورت يا سومه

ميرسى يا قمر على تعليقك

ويا رب منورانى كدا دايما