اذكـآر وأدعيـة

دعاء من أصابته مصيبة .. ما من مسلم تصيبه مصيبة فيقول كما أمره الله إنا لله وإنا إليه راجعون، اللهم أجرني في مصيبتي واخلف لي خيراً منها إلا أخلف الله له خيراً منها (رواه مسلم632/2) دعاء الهم والحزن .. ما أصاب عبداُ هم و لا حزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحاً رواه أحمد وصححها لألباني.لكلم الطيب ص74 اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ". كان رسول الله صلى الله عليه وسلم يكثر من هذا الدعاء دعاء الغضب .. أعوذ بالله من الشيطان الرجيم رواة مسلم .2015/4 دعاء الكرب .. لاإله إلا الله العظيم الحليم ، لاإله إلا الله رب العرش العظيم ، لاإله إلا الله رب السموات ورب العرش الكريم متفق عليه قال صلى الله عليه وسلم دعاء المكروب : اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً صحيح . صحيح سنن ابن ماجه(959/3) قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له . صحيح .صحيح الترمذي 168/3 دعاء الفزع .. لا إله إلا الله متفق عليه ما يقول ويفعل من أذنب ذنباً .. ما من عبد يذنب ذنباً فيتوضأ فيحسن الطهور ، ثم يقوم فيصلي ركعتين ، ثم يستغفر الله لذلك الذنب إلا غُفر له صحيح صحيح الجامع 173/5 من استصعب عليه أمر .. اللهم لا سهل إلا ما جعلته سهلاً وأنت تجعل الحزن إذا شئت سهلاً رواة ابن السني وصححه الحافظ . الأذكار للنووي ص 106 ما يقول ويفعل من أتاه أمر يسره أو يكرهه .. كان رسول الله عليه وسلم إذا أتاه أمر ه قال :الحمد لله الذي بنعمته تتم الصالحات و إذا أتاه أمر يكرهه قال : الحمد الله على كل حال صحيح صحيح الجامع 201/4 كان النبي صلى الله عليه وسلم إذا أتاه أمر يسره أو يُسر به خر ساجداً شكراً لله تبارك وتعالى حسن . صحيح ابن ماجه 233/1) مايقول عند التعجب والأمر السار .. سبحان الله متفق عليه الله أكبر البخاري الفتح441/8 في الشيء يراه ويعجبه ويخاف عليه العين .. إذا رأى أحدكم من نفسه أو ماله أو أخيه ما يعجبه فليدع له بالبركة ، فإن العين حق صحيح. صحيح الجامع 212/1.سنن أبي داود286/1 . اللهم اكفنيهم بما شئت رواه مسلم 2300/4 حاب ، وهازم الأحزاب ، اهزمهم وانصرنا عليهم رواه مسلم 1363/3 دعاء صلاة الاستخارة .. قال جابر بن عبدالله رضي الله عنهما : كان رسول الله صلى الله عليه وسلم ، يُعلمنا الاستخارة في الأمور كلها كما يعلمُنا السورة من القرآن ، يقول : إذا هم أحدكم بالأمر فليركع ركعتين من غير الفريضة ، ثم ليقل : اللهم إني أستخيرك بعلمك ، و أ ستقدرك بقدرتك ، وأسألك من فضلك العظيم فإنك تقدِرُ ولا أقدِرُ ، وتعلم ولا أعلم ، وأنت علام الغيوب ، اللهم إن كنت تعلم أن هذا الأمر -يسمي حاجته - خير لي في ديني ومعاشي وعاقبة أمري - أو قال : عاجلة و اجله - فاقدره لي ويسره لي ، ثم بارك لي فيه ، وإن كنت تعلم أن هذا الأمر شر في ديني ومعاشي وعاقبة أمري - أو قال : عاجله و أجله - فاصرفه عني واصرفني عنه ، واقدر لي الخير حيث كان ، ثم أرضني به رواه البخاري146/8 كفارة المجلس .. من جلس في مجلس فكثر فيه لغطه ؟ فقال قبل أن يقوم من مجلسه ذلك : " سبحانك اللهم وبحمدك ، أشهد أن لا إله إلا أنت أستغفرك وأتوب إليك . إلا غفر له ما كان في مجلسه ذلك . صحيح. صحيح الترمذي 153/3 دعاء القنوت .. اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي و لا يقضى عليك ، إنه لا يذل من واليت ، تباركت ربنا وتعاليت صحيح. صحيح ابن ماجه 194/1 اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك " صحيح. صحيح ابن ماجه 194/1 اللهم إياك نعبد ، و لك نُصلي ونسجد ، وإليك نسعى ونحقدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك . وهذا موقف على عمر رضي الله عنه . إسناد صحيح . الأوراد171/2-428 مايقال للمتزوج بعد عقد النكاح .. بارك الله لك ، وبارك عليك ، وجمع بينكما في خير صحيح. صحيح سنن أبي داود 400/2 اللهم بارك فيهما وبارك لهما في أبنائهما رواه الطبراني في الكبير وحسنه الألباني. آداب الزفاف ص77) على الخير والبركة وعلى خير طائر رواه البخاري 36/7 ( طائر : أي على أفضل حظ ونصيب ، وطائر الإنسان : نصيبه) ما يقول ويفعل المتزوج إذا دخلت على زوجته ليله الزفاف يأخذ بناصيتها ويقول : اللهم إني أسألك من خيرها وخير ما جلبت عليه وأعوذ بك من شرها وشر ما جُلبت عليه حسن . صحيح ابن ماجه 324/1 الدعاء قبل الجماع .. لو أن أحدكم إذا أراد أن يأتي أهله قال : بسم الله ، اللهم جنبنا الشيطان وجنب الشيطان ما رزقتنا ، فإنه يقدر بينهما ولد في ذلك لم يضره شيطان أبداً متفق عليه الدعاء للمولود عند تحنيكه .. كان رسول الله صلى الله عليه وسلم ، يؤتي بالصبيان فيدعو لهم بالبركة ويحنكهم صحيح . صحيح سنن أبي داود 961/3) (التحنيك : أن تمضغ التمر حتى يلين ، ثم تدلكه بحنك الصبي) ما يعوذ به الأولاد .. أعوذ بكلمات الله التامة ، من كل شيطان وهامه ، وكل عينِ لامه رواه البخاري الفتح 408/6 من أحس وجعاً في جسده .. ضع يدك على الذي تألم من جسدك وقل : بسم الله ، ثلاثاً ، وقل سبع مرات : أعوذ بالله وقُدرته من شر ما أجد وأحاذر رواه مسلم1728/4 مايقال عند زيارة المريض ومايقرأ عليه لرقيته .. لابأس طهور إن شاء الله رواه البخاري 118/4 اللهم اشف عبدك ينكأ لك عدواً ، أو يمشي لك إلى جنازة صحيح . صحيح سنن أبي داود 600/2 مامن عبد مسلم يعود مريضاً لم يحضر أجله فيقول سبعة مرات : أسأل الله العظيم رب العرش العظيم أن يشفيك إلا عوفي صحيح . صحيح الترمذي 210/2 بسم الله أرقيك من كل شئ يؤذيك ، من شر كل نفس ، وعين حاسدة بسم الله أرقيك ، والله يشفيك صحيح . صحيح الترمذي 287/1 أذهب الباس ، رب الناس ، إشف وأنت الشافي لاشفاء إلا شفاء لايُغادر سقماُ رواه البخاري الفتح 131/10 تذكرة في فضل عيادة المريض .. قال صلى الله عليه وسلم : إن المسلم إذا عاد أخاه لم يزل في خرفة الجنة صحيح. صحيح الترمذي 285/1 قيل ما خُرفة الجنة ؟ قال : جناها . وقال صلى الله عليه وسلم :" مامن مُسلم يعود مُسلماً غُدوة ، إلا صل عليه سبعون ألف ملكِ حتى يُمسي ، وإن عاده عشيةَ إلا صلى عليه سبعون ألف ملكِ حتى يُصبح وكان له خريف في الجنة صحيح . صحيح الترمذي 286/1 مايقول من يئس من حياته .. اللهم اغفر لي وارحمني وألحقني بالرفيق متفق عليه اللهم الرفيق الأعلى رواه مسلم1894/4 كراهية تمني الموت لضر نزل بالإنسان .. لايدعون أحدكم بالموت لضر نزل به ولكن ليقل : اللهم أحيني ماكنت الحياة خيراً لي ، وتوفني إذا كانت الوفاة خيراً لي متفق عليه من رأى مببتلى .. من رأى مُبتلى فقال : الحمد لله الذي عافاني مما ابتلاك به ، وفضلني على كثير ممن خلق تفضيلاً لم يُصبه ذلك البلاًء صحيح. صحيح الترمذي 153/3 تلقين المحتضر .. قال صلى الله عليه وسلم : لقنوا موتاكم قول : لاإله إلا الله رواه مسلم 631/2 من كان آخر كلامه لاإله إلا الله دخل الجنة صحيح . صحيح سنن أبي داود 602/2 الدعاء عند إغماض الميت .. اللهم اغفر ( لفلان) ورفع درجته في المهديين واخلفه في عقبه في الغابرين واغفر لنا وله يارب العالمين وافسح له في قبره ونور له فيه رواه مسلم 634/2 مايقول من مات له ميت .. مامن عبد تصيبه مصيبة فيقول :" إنا لله وإنا إليه راجعون، اللهم أجرني في مُصيبتي واخلف لي خيراً منها . إلا آجره الله تعالى في مصيبته وأخلف له خيراً منها رواه مسلم 632/2 الدعاء للميت في الصلاة عليه .. اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ( ومن عذاب النار ) رواه مسلم 663/2 اللهم اغفر لحينا وميتنا ، وشاهدنا وغائبنا ، وصغيرنا وكبيرنا ، وذكرنا وأُنثانا ، اللهم من أحييته منا فأحييه على الإسلام ، ومن توفيته منا فتوفه على الإيمان ، اللهم لاتحرمنا أجره ولاتضلنا بعده صحيح. صحيح ابن ماجه 251/1 اللهم إن فلان بن فلان في ذمتك ، وحبل جوارك فقه من فتنة القبر وعذاب النار ، أنت الغفور الرحيم صحيح . صحيح ابن ماجه 25/1 اللهم عبدك وابن عبدك وابن امتك إحتاج إلى رحمتك ، وأنت غني عن عذابه ، إن كان مُحسناً فزده في حسناته ، وإن كان مُسئاً فتجاوز عنه واه الحاكم ووافقه الذهبي . انظر أحكام الجنائز للألباني ص159 وإن كان الميت صبياً .. اللهم أعذه من عذاب القبر حسن . أحكام الجنائز للألباني ص161. اللهم اجعله فرطاً وسلفاً ، وأجراً موقوف على الحسن - البخاري تعليقاً عند ادخال الميت القبر .. بسم الله وبالله ، وعلى ملة رسول الله ( أو على سُنة رسول الله ) صحيح. صحيح الترمذي 306/1 مايقال بعد الدفن .. كان النبي صلى الله عليه وسلم إذا فرغ من دفن الميت وقف عليه فقال :" استغفروا لأخيكم وسلوا له التثبيت فإنه الآن يُسأل صحيح . صحيح سنن أبي داود 620/2 دعاء زيارة القبور .. السلام عليكم أهل الديار ، من المؤمنين والمسلمين ويرحم الله المُستقدمين منا والمستأخرين وإنا ، أن شاء الله بكم للاحقون رواه مسلم 671/2 دعاء التعزية .. إن لله ماأخذ وله ماأعطى . وكل شئ عنده بأجل مُسمى ...فلتصبر ولتحتسب متفق عليه

الأحد، 20 ديسمبر 2009

الحب بيفشل ليه؟؟؟؟؟؟؟

ازيكوا يا احلى مدونين فى الدنيا

بجد وحشتونى مووووووووووووووت

بس النت كالعاده كان فاصل عندى ومكنتش قادره اتابعكوا.

________________

فى طبعا مناسبه كان نفسى احتفل بيها فى مدونتى بس جايه متاخره شويه وهى

خطوبه دموع القمر

الف الف الف مبروووووووووووووك ليكى حبيبتى وربنا يتممهالك على خير يا رب

واسفه لتقصيرى معاكى بس بجد غصب عنى.
________________________

فى ناس كتير بنلاقيهم بيحبوا بعض جدا وفجاه نلاقيهم سابوا بعض طب ليه بيحصل كدا

يا ترى ايه اللى يخلى اى اتنين بيحبوا بعض يسيبوا بعض يا ترى

الغيره الزايده عن اللزوم
ولا الكذب
ولا الاحساس بعدم الامان مع الطرف التانى
ولا زى ما بيقولوا البعيد عن العين بعيد عن القلب ( مع انى مش مقتنعه قوى بالعباره دى بس ساعات كتير بتتقال لتبرير البعد بين حبيبين ) .

انا عارفه ان الاسباب دى كلها ممكن تبعد بين اى اتنين بيحبوا بعض..

بس انا عوزاكوا تختاروا ايه اكتر حاجه ممكن تخليكوا تبعدوا عن الشخص اللى بتحبوه ؟؟؟؟؟؟؟؟؟

الاثنين، 7 ديسمبر 2009

تحقيق مع جاموسه!!!!!!

تحقيق مع جاموسه!!!!!!!!

قررنا اليوم فتح باب التحقيق مع الجاموسة المتسببة في حادث قطار العياط.. المتهمة أتت إلينا في سيارة نصف نقل متأخرة نصف ساعة لأنها كانت مشغولة في سوق البهائم صباحا

س: اسمك؟

ج: جاموسة

س: أين كنت قبل لحظة وقوع الحادث ياجاموسة؟

ج: بعد إذنك يابيه بلاش شتيمة وقلة قيمة.. إيه جاموسة دي؟

س: هذا اسمك المسجل لدينا.. أكرر.. أين كنت قبل لحظة وقوع حادث القطار؟

ج: أنا كنت في الغيط بتاع صاحبي الحاج حمدان وقاعدة آكل ومزاجي عنب ومكنتش أعرف أن هيحصل ده كله.

س: وما الذي حدث؟

ج: أنا قلت أروح اسلِّم علي الجواميس أصحابي في غيط الحاج طلبة اللي علي الناحية التانية من القطر عشان سمعت من ناس أن فيه أمراض جديدة وصلت للبهايم.. قلت أروح اتطمن.. أي نعم وزارة الزراعة نفت الموضوع.. بس هوه مين فينا اللي بيصدق الحكومة يابيه؟

س: وما الذي حدث بعدها؟

ج: كنت ماشية علي مهلي عادي وأنا علي شريط القطر لقيت فيه حتة صفيحة جاية من بعيد.

س: هل تقصدين القطار؟

ج: يابيه أنا بصراحة ماعرفتش إنه قطر إلا من زمارته.. إنما هوه باين من بعيد إنه صفيحة زي بتاعة السمنة كده.. وكان فيه ناس كتير متشعلقين فيه من كل جانب.

س: ولماذا لم تتحركي بعيدا عن القطار؟

ج: يابيه وأنا هاخاف ليه بس؟؟ أنا لا خدت فلوس من بنوك وهربت، ولا خدت رشوة في مشروع «ابني بيتك».

س: ولماذا لم تفعلي ذلك؟

ج: عشان أنا مش محتاجة بيت.. أنا ساكنة في دوار الحاج حمدان.

س: لا أقصد ذلك.. أقصد لماذا لم تتحركي من أمام القطار؟

ج: يابيه هوه فيه قطر يخاف من جاموسة؟ ليه هوه قطر لعبة؟؟ المفروض إن أنا اللي أخاف من القطر.. بس بصراحة لقيت شكله ميخوفش وباين عليه عايز إعادة هيكلة.. قلت يابت إمشي علي مهلك.

س: وماذا حدث بعد ذلك؟

ج: لقيت القطر وقف أول ما السواق شافني.

س: ولماذا توقف القطار؟

ج: الشهادة لله أنا قلقت وتخيلت إننا في الهند والسواق هندوسي.. بس رجعت وقلت فوقي يابت.. إنت ف مصر.. والدليل القطر الصفيح اللي قدامك ده!

س: وهل توقف القطار كثيرا؟

ج: بصراحة سواق القطر كان راجل ذوق واستني لحد ما مشيت علي مهلي.. حد يلاقي دلع وما يتدلعش يابيه؟

س: وهل رأيت القطار الآخر؟

ج: وأنا بابص كده لقيت صفيحة تانية جاية من بعيد ورا القطر الأولاني وقاعدة تزمر برضه.. حاولت انبِّه سواق القطر وقعدت أجعَّر بصوتي وكل ما اجعَّر يشاور لي ويقول لي: إمشي براحتك علي أقل من مهلك

س: وما الذي حدث بعدها؟

ج: القطر التاني لبس في القطر الأولاني ومات شوية ناس كده

س: كم عدد المصابين والقتلي؟

ج: أنا مش عارفة العدد بالتحديد بس بيتهيألي إنهم أقل من عدد الغرقانين في عبارة السلام ومن عدد المحروقين في قطر الصعيد اللي فات ومن عدد معتقلي الإخوان.. وأكتر من عدد المحروقين في قصر ثقافة بني سويف.. يعني ممكن كده يبقوا قد اللي انتحروا السنة اللي فاتت من الفقر!

س: يبدو أنك مهتمة بأحوال البلد السياسية؟

ج: كله حصري علي التليفزيون المصري.. والبركة في النايل كوميدي والأستاذ عزب شو.

س: هل كنت تتوقعين أنك ستكونين سببا في إقالة وزير؟

ج: والله لو أعرف يابيه كنت جبت كل الجواميس أصحابي بعدد الوزرا!

س: هل أنت منضمة لإحدي الحركات المعارضة؟

ج: كفاية يابيه.

س: إذن أنت تعترفين بانضمامك لحركة كفاية؟

ج: يابيه أنا أقصد كفاية أسئلة.. هيه الواحدة ماتفكش معاك بكلمتين؟

س: في رأيك من المسئول عن هذه المأساة؟

ج: أولا أنا باسجل اعتراضي.. فين المأساة دي؟ دول شوية مصريين ماتوا.. وبعدين إحنا متعودين إن كل سنة الحكومة تعمل لنا مفاجأة كده زي موضوع القطر عشان نعتبر ونتعظ ونقرب من ربنا ونتذكر الموت.. أنا بأطالب الإعلام بعدم تهويل القضية وياريت نلتفت لمشاكل البلد الكبري والتحديات المقبلة زي مباراة مصر والجزائر.. بلاش تشويه لسمعة مصر بقي!

س: ما الشيء الذي ندمت عليه بعد هذه الحادثة؟

ج: إني لحد دلوقتي ما اتطمنتش علي البهايم اللي ف غيط الحاج طلبة!

س: هل لديك أقوال أخري؟

ج: أنا بس عايزة أطمن زملائي: الأخ «ماس كهربائي» والأخ «مختل عقليا».. إن الحمد لله الضغط خف عليهم وبقينا في الهوا سوا.. وإننا هنحاول الفترة الجاية نقسم المصايب علينا عشان الشعب يصدق.. مرة ماس ومرة أشرف توفيق

ومرة مختل ومرة جاموسة.. وهوه ده الفكر الجديد!

س: لقد تسببت في مقتل العديد من شعب مصر والسخط في كل أرجاء المحروسة.. فلماذا فعلت كل ذلك؟

ج: «من أجلك أنت» يابيه!

المصدر :::::::::::> الدستور

الخميس، 3 ديسمبر 2009

يا ترى بتحلم بايه؟؟!!!

لو بطلنا نحلم نموت

طبعا اغلبنا عارفين الاغنيه دى

النهارده انا سمعتها

وقعدت افكر بينى وبين نفسى

يا ترى انا بحلم بايه

ويا ترى احلامى دى انا ممكن احققها

طب انا دلوقتى بحلم انى اتخرج واشتغل شغل كويس

فرجعت اقول لنفسى وهو دا يبقى حلم

ما دى احلام عاديه اقدر ان شاء الله بتوفيق ربنا طبعا انى احققها

فقلت لنفسى ليه محلمش حلم كبير شويه واسعى انى احققه

يعنى انا دلوقتى مثلا بدرس تاريخ
ونفسى جدا جدا ابقى عالمه اثار

دا حلم كبير وهحاول ان شاء الله انى هسعى لتحقيقه

انتوا بقى احلامكوا ايه؟؟؟؟؟؟؟؟؟؟

ومش لازم تكون احلام ممكنه يعنى انا غير ان انا نفسى ابقى عالمه اثار

نفسى الف العالم دا كله(ودا مش ممكن الا اذا اتجوزت بقى واحد مليونير وفاضى يلففنى العالم هههههههه)

عاوزه ادخل التعليقات الاقى رصه احلام ليكو

هههههههههههههههههههه

pink dreams

الخميس، 26 نوفمبر 2009

عـــــــــــ سعيد ـــــــــيد

ازيكوا يا احلى مدونين فى الدنيا

كل سنه وانتوا طيبين

عيد سعيد عليكوا وعلى كل اللى بتحبوهم يا رب

عاوزه بقى كل واحد منكوا يقولى هيقضى العيد بتاعو ازاى؟؟؟؟؟

وانا عن نفسى هقضيه مع قرايبى واصحابى

pink dreams

الأحد، 22 نوفمبر 2009

لو قدامك هتعمل ايه؟؟؟

بوست جديد فى شقاوه اخر حاجه

طبعا كلنا عارفين اللى بيحصل اليومين دول من مهزله الجزائر

انا بقى اللى غايظنى وعاوزه اتكلم فيه ان هم مش حاسين اصلا انهم عملوا حاجه

يعنى بعد اللى عملوه دا كله وبعد سحبنا للسفير المصرى من الجزائر

بيقولوا ان احنا اللى بنصعد الاوضاع وبنكبر الموضوع ولا كأنهم عملوا حاجه خاااااااااالص

وكمان اللى عمله السفير المصرى دا كانت اصلا اقل حاجه تتعمل وال ايه احنا اللى بنكبر المواضيع

يعنى انا بجد مش قادره اوصف كمان اللى جوايا وانى حاسه ان كرامتنا بتتهان وبردو الحكومه المصريه واقفه ساكته

انا مش بقول ان هم مش بيعملوا حاجه خالص بس على الاقل لازم تاخد موقف حاسم وباقصى سرعه عشان الناس المهدده اللى فى الجزائر والسودان دول على الاقل

وانا كفايه عندى قوى اننا رغم اننا خسرنا الماتش بس هم خسروا مقابل كدا حاجه اهم بكتير وهى انهم خسروا نفسهم

بس بجد هم يبكى وهم يضحك يعنى حتى وهم بيحتفلوا بالنصر فى المباراه موتوا منهم 14 واللى اتصابوا فوق ال200 شخص

وانا اللى كنت مستغربه هم بيعملوا معانا كدا ازاى

اتاريهم حتى فى فرحتهم همجيين

بس انا فى سؤال دلوقتى بيدور فى دماغى وطبعا عاوزه بردو اعرف رأيكوا فيه

لو جه قدامى دلوقتى واحد جزائرى يا ترى انا ممكن اعمل ايه.؟؟؟؟؟؟
فكرت كتير فى السؤال دا ولقيت انى مش هقدر اسكت هيبقى جوايا نار مش قادره اطفيها ونفسى بصراحه مسكوتش بس انا بكدا ابقى بعمل زيهم واتعاملت بنفس اسلوبهم وهو الهمجيه وانى اخد حد بذنب ناس تانيه لمجرد انه من الجزائر

تفتكروا لو فى الموقف دا كنتوا هتعملوا ايه؟؟؟!!!!!

الخميس، 19 نوفمبر 2009

وتبقين يا مصر فوق الصغائر

معلش يا جماعه انا عارفه انى مقصره معاكم من ناحيه التعليقات بس اعمل ايه بقى فى الدراسه اعذرونى بس اليومين دول اخلص كل الابحاث اللى ورايا وهبقى معاكوامن تانى ان شاء الله

دى قصيده لفاروق جويده جميله جدا جدا

عن المهزله اللى بتحصل اليومين دول بين مصر والجزائر

هذه صرخة الشهداء خرجت من سيناء وطافت بالجزائر تعلن العصيان علي كل ما حدث بين شعبين شقيقين جمعتهما الدماء ولا ينبغي أن تفرق بينهما الصغائر

شهيد علي صدر سيناء يبكي
ويدعو شهيدا بقلب الجزائـــر
تعال إلي ففي القلب شكـــوي

وبين الجــــوانح حزن يكــــابر
لماذا تهون دماء الرجــــــال
ويخبو مع القهر عزم الضمائر

دماء توارت كنبض القلوب
ليعلو عليها ضجيج الصغائــــر
إذا الفجر أصبح طيفـا بعيــدا

تـباع الدماء بسوق الحناجـــــــر
علي أرض سيناء يعلو نــداء
يكبر للصبـــح فوق المنابـــــــر

وفي ظلمة الليل يغفو ضيـاء
يجيء ويغدو.. كألعــاب ساحــــر
لماذا نسيتــم دماء الرجــــــــال
علي وجه سينا.. وعين الجزائر؟!

***
علي أرض سينــاء يبدو شهيـد
يطوف حزينـا.. مع الراحليـــن
ويصرخ في النــاس: هذا حرام

دمانا تضيــــــع مع العابثيــــــن
فهذي الملاعب عزف جميــــل
وليســــت حروبا علي المعتدين

نحب من الخيل بعض الصهيل
ونعشـــــق فيها الجمال الضنين
ونطرب حين يغني الصغــــار

علي ضوء فجر شجي الحنيـــن
فبعض الملاعب عشق الكبــــار
وفيها نداعب حلــــم البنيــــــــن

لماذا نراها سيوفــــــا وحربـــــا
تعالــــوا نراها كنـاي حزيــــــن
فلا النصر يعني اقتتال الرفــــاق
ولا في الخســارة عار مشـــــين

***
علي أرض سيناء دم ونـــــــــار
وفوق الجزائر تبكــي الهــــــمم
هنا كان بالأمس صوت الرجال

يهز الشـعــوب.. ويحيـي الأمم
شهيدان طافا بأرض العروبـة
غني العـــراق بأغلي نغــــــــــم

شهيد يؤذن بيــــن الحجيـــــــج
وآخر يصرخ فوق الهــــــــرم
لقد جمعتنا دمـاء القـلــــــــــوب

فكيف افترقـــــنا بهزل القــــــدم ؟!
ومازال يصرخ بين الجمــوع
قم اقــــرأ كتـابك وحـي القلــــــم

علي صدر سيناء وجه عنيــد
شـــهيد يعانق طيـــــــف العلـــــــم
وفوق الجزائر نبض حزيـــن

يداري الدمــوع ويخفي الألـــــــم
تعالـوا لنجمع ما قد تبقــــــــي
فشــر الخطــايا سفيـــــــــه حكــــــم

ولم يبق غير عويل الذئـــاب
يطـــــارد في الليل ركـــب الغنــــــــم!
رضيتم مع الفقر بؤس الحياة

وذل الهــــــوان ويـــأس النـــــــدم
ففي كل وجه شظايا همــــــوم
وفي كل عيـــن يئن الســــــــــــــأم

إذا كان فيكم شموخ قديـــــــم
فكيف ارتــــــضيتم حــياة الـــــــــرمم؟!
تنامون حتي يموت الصبـــاح
وتبكون حتي يثور العــــــــــدم

***
شهيد علي صدر سيناء يبكي
وفوق الجزائر يسري الغضـب
هنا جمعتنا دمـاء الرجـــــــال

فهل فرقتنا' غنــــــاوي' اللعـــب
وبئس الزمـان إذا ما استكـــان
تسـاوي الرخيص بحر الذهـــــب

هنا كان مجــد.. وأطلال ذكـــري
وشـعب عـريق يسمـي العـــــرب
وياويلهــم.. بعــد ماض عــريـق
يبيعون زيفـا بســــوق الكـــــــــــذب

ومنذ استكانوا لقهر الطغــــــاة
هنا من تـواري.. هنا من هـرب
شعوب رأت في العويل انتصارا
فخاضت حروبا.. بسيف الخطب

***

شهيد مع الفجر صلي.. ونادي
وصاح: أفيقوا كفـــــاكم فســــادا
لقد شردتكم همــوم الحيـــــاة
وحين طغي القهر فيكم.. تمادي

وحين رضيتم سكـون القبــور
شبعتم ضياعا.. وزادوا عنادا
وكم فارق الناس صبح عنيـــد
وفي آخر الليل أغفي.. وعادا

وطال بنا النوم عمرا طويــــلا
وما زادنا النـوم.. إلا سهــــادا

***
علي صدر سيناء يبكي شهيـــد
وآخر يصرخ فـــوق الجزائـــر
هنا كان بالأمس شعــب يثـــور

وأرض تضج.. ومجــــــد يفاخــــــر
هنا كان بالأمس صوت الشهيد
يزلزل أرضا.. ويحمي المصائر

ينام الصغير علي نار حقــــــــد
فمن أرضع الطفل هذي الكبائر ؟!
ومن علم الشعب أن الحــــروب

' كـرات' تطير.. وشعب يقـامر ؟!
ومن علم الأرض أن الدماء
تراب يجف.. وحــزن يسافـــــــر

ومن علم الناس أن البطولـــــــة
شعب يباع.. وحكم يتــــــاجر؟!
وأن العروش.. عروش الطغاة

بلاد تئن.. وقهر يجـــــــاهر
وكنا نـباهي بدم الشهيــــــــــــــد
فصرنا نباهي بقصف الحناجر!

إذا ما التقينــــــا علي أي أرض
فليس لنا غير صدق المشاعر
سيبقي أخي رغم هذا الصـــراخ

يلملم في الليل وجهي المهاجر
عدوي عدوي.. فلا تخــدعوني
بوجه تخفـي بمليون ساتــــــر

فخلـــف الحـــــــدود عـــدو لئيــم
إذا ما غفونا تطل الخناجـــــر
فلا تتـــركوا فتنـة العابثيـــــــــن

تشـوه عمرا نقي الضمائــــــر
ولا تغرسوا في قلــوب الصغــار
خرابا وخوفا لتعمي البصــــائر

أنا من سنين أحـــب الجـــــزائـــر
ترابا وأرضا.. وشعبـــا يغامـــر
أحب الدمــاء التي حررتــــــــــه

أحب الشموخ.. ونبل السرائر
ومصر العريقة فوق العتـــــــاب
وأكبر من كل هذي الصغــــائر

أخي سوف تبقي ضميري وسيفي
فصبر جميل.. فللــيـــل آخــر
إذا كان في الكون شيء جميـــــل
فأجمل ما فيه.. نيل.. وشاعر

الأحد، 15 نوفمبر 2009

لووووووووووووووووولى

لوووووووووووووووووولى

الحمد ليك والشكر ليك يا رب

الحمد لله كسبنا وفى اخر لحظه

بجد فرحاااااااااانه جداااااااااااااااا

وربنا يوفقنا يوم الاربعاء زى ما وفقنا فى الماتش دا يا رب

السبت، 14 نوفمبر 2009

يااااااااا رب نكسب

ادعوا معايا ان ربنا يوفقهم النهارده فى الماتش

وان مصر تكسب

الخميس، 12 نوفمبر 2009

تااااااج+ تحديث

جالى تاج من الجمهوريه الشقيقه

جمهوريه شومبونجو العربيه

اسمك؟

شيماء

سنك؟

20

اسم مدونتك؟

pink dreams

مجال دراستك؟

اداب قسم تاريخ

هل فكرت فى اغلاق مدونتك؟والسبب؟

اه بس لفتره محدوده والسبب انى كنت مخنوقه شويه ومفيش اى افكار جديده فى دماغى

ايه رد فعلك لو ادبه عليك في المدونه؟

هرد بزوق طبعا يخليه يتكسف من اللى عمله

أسوا مدونه دخلتها؟

مش هقول مفيش بس لسه مش صادفت مدونه كدا

هيحصل ايه لايميلك بعد ماتموت؟

مش هيحصله حاجه هيفضل زى ما هو

اديت الباسورد لحد قبل كدة؟

اه اديته لصديقتى واختى حنين

السفر بالنسبه ليك؟

هو بالنسبه لى حاجتين
لو سفر كزياره وسياحه تبقى دى احلى حاجه عملتها فى حياتى لانى بحب ازور الاماكن الجديده

لكن لو سفر لمده طويله يبقى بالنسبه لى انتحار لانى مش هقدر اعيش بره البلد دى كتير.

المود بتاعك اية؟

مهيسه شويه
يعنى انا مش عارفه انا زعلانه ولا مبسوطه

بتعمل اية فى وقت فراغك؟

بقرأ قصص

بقعد على النت
بتفرج على التليفزيون
وطبعا برغى مع صحابى فى التليفون ههههههه

الاكلات المفضلة؟

المكرونه بالبشاميل
السمك

الصفات التي اخدتها عن والدك؟

الطيبه
الصبر
الهدوء
التفاهم
وكمان عامله زيه فى المثل اللى بيقول اتقى شر الحليم اذا غضب

يعنى لو اتنرفزت مش بشوف قدامى

الصفات التي اخدتها عن والدتك؟

الطيبه بردو
الحنيه
التفاهم مع الامور بهدوء

اكتر 6 حاجات بتحبهم؟

اصدقائى
القراءه
النت
التليفزيون
زياره الاماكن السياحيه
بعشق فصل الشتاء

اكتر 6 حاجات بتكرهم؟

الكدب
الخيانه
ممدوح فرج
الناس اللى بوشين
الظلم
لما النت يفصل وانا بعمل حاجه مهمه وضروريه دى حاجه بتضايقنى جداااااا

شخصيتك نوعها ايه؟

هاديه بس فى نفس الوقت مرحه جدا جدا مع صحابى

لماذا دخلت عالم التدوين من الاساس؟

كنت عاوزه اكتب اللى حساه
الحاجات اللى بشوفها فى المجتمع ونفسى اتكلم عنها

واللى ببقى عاوزه اسمع راى الناس فيها

اهميه التعليقات بالنسبه لك؟

اكيد كل تعليق بيفيدنى دا غير انه بيشجعنى وبيدفعنى للافضل

احلي بوست كتبته مع ذكر السبب؟

امممممممم هسيبكوا انتوا تردو على السؤال دا

وعاوزه اسمع رايكوا

افضل مدونه قريتها؟

كل المدونات اللى ضايفاها عندى

اهميه الانترنت بالنسبالك؟

مهم وضرورى لانى بحب اعرف دايما اخر الاخبار

اهداء التاج؟

حنين
ايناس
شوكولاته
همسات على ضوء القمر
اسماء واحلام وجدانى
red rose
ريمان
بنت قلبى
ضحكات الحياه
شاب فقرى(اجبارى طبعا)

الخميس، 5 نوفمبر 2009

عيش من اجل .....انت الذى تقرر

نحن نعيش...

لكي نرسم ابتسامة..
ونمسح دمعة..

ونخفّف ألما..
ولأن الغد ينتظرنا..
والماضي قد رحل..

وقد تواعدنا مع أفق الفجر الجديد..

نحن نعيش... لأن هناك من يستحق أن نقف معه.. ونفرح معه.. ونبكي معه.. ونضحي من أجله.. وأخيرا نموت معه..

نحن نعيش...

لأن الكثير يستحق أن نكتبه في صفحاتنا..
ونضيفه إلى قوائمنا..

ونعطّره بحبنا..
ونخبئه في قلوبنا..
فيبقى في ذاكرتنا...

نحن نعيش... لأن الأمل وراء الجبل.. والشمس قادمة.. والليل سيرحل.. وإن أمطرت السماء بغزارة فإن السيول ستجف يوما ما.. وإن عصفت الرياح شديدة .. فستهدأ بعد لحظات..

نحن نعيش...

لأننا نمّثل شيئا بالنسبة للكثير..
ولأننا قدوة لكل طفل صغير..

ولنعطف على شيخ في عمره كبير..
ولنمّد يدنا بكل صدق إلى أي إنسان فقير..

نحن نعيش... لنعطي كما نأخذ.. ولنسقي الأرض القاحلة.. ونلّون الصفحات البيضاء.. وننقش على البحر كلمات تدوم..

نحن نعيش...

للحظات الجميلة في حياتنا..
ولنصنع أجمل حكاية حب تكتب في كتاب..
ولنصلح ما انكسر..

ونعيد ترميم مااندمر..
ونجدّد ماعلى عليه غبار الدهر فانهجر..

ولنجعل كل أيامنا ربيعا..
زهورا ملونة..
ورودا حمراء..
أشجارا خضراء..وينابيع..

نحن نعيش... لنضع أيادينا على القلوب المجروحة... ونمسح بأناملنا على رأس كل يتيم.. ونسمع صوت كل مظلوم فنواسيه..

نحن نعيش...

لأننا غدا سنموت..
وسنرحل ..ونهاجر..
وسيبكينا من أحبّنا..

وتبكينا الليالي التي عشنا معها طويلا..
ولتبقى أسماؤنا في صفحات الأيام..
وتبقى حروفنا منقوشة في دفاتر الذكريات..

واخيرا اختم كلامي بقوله تعالى { وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ}

منقول من

http://www.facebook.com/topic.php?uid=56939453393&topic=12638

الأحد، 1 نوفمبر 2009

والدى العزيز .... شكرا انك والدى

النهارده انا سعيده جدا وحبيت انى اشارككوا السعاده دى

النهارده عيد ميلاد احن واطيب اب فى الدنيا دى كلها

كل سنه وانت طيب يا بابا يا روح قلبى

وربنا يخليك ليا وميحرمنيش منك ابدا ابدا

وعقبال 100 سنه وانت معانا يا رب

وانا دلوقتى ههديه قصيده مش انا اللى مألفاها بس حسيت بيها واحب انى اهديهالوا

مع انها بردو مش هتوفيه حقه

-_ -_-_-_-_-_-_-_-_-_-_-_-_-

والدى العزيز ..... شكرا انك والدى

هو البسمه...
الرحمه...
هــو..هــو
لاأعلم من ؟
فقد احتارت كلماتي

هـــــــــــــــو
صاحبي في الضيقِ والمحن ِ ..
صاحب القلب الحنون الصافي الحاني..
إذا ما تهت بين الناس في الطرقات والمدنِ..
وذاب من تحتي الطريق وتاه مني عنواني..
وتخلى عني الصحب ، وناح القلب بالشجن..
وهان الحب على القاصيِ والداني ..

والدي العزيز
احبــــــــك
كلمة في قلبي منذ ان عرفت للمشاعر بداية
كلمــــة اعذرني بــــــأني لم ارددهـا كفاية

والدي العزيز
شكرا لكونك ابا رائع حنون
سمح لي بلحظات جنون
منها تعلمت من انا وكيف اكون

والدي العزيز
احب قلبي تلك اللحظات
التي كررناها واصبحت عادات
عندما يكون محور الحديث هو
تبادل الابتسام
عندما تناديني بأحـــــــــلى العبارات
ارد نعم يأحلى أب

والدي العزيز
شكرا
لجعلي في حياتك اميرة
لعودتي بين احضانك طفلة صغيرة
اتمنى ان اكون لهذا العطاء جديرة

والدي العزيز
أتخيلك يوم زفافي
تحتضن كل ذرة في كيانك
وأنا أسعى لاهثة بكل لهفة الكون
وكل شوق الوجود إلى احضانك
أهمس اليك احضني فأن قلبي لن يستكن الا بحنانك
تقبل جبيني وأدمعنا تختلط

اتمنى في يوم ان يكون لي طفل
يحمل ملامح وجهك
وسحر شخصك
والمرح في روحك
والدي العزيز
شكراااا

ربنا يبارك لنا في عمرك
ويطول عمرك في طاعه الله
ويرزقنا رضاك
ويرزقك برنا
أحب طيبتك واخلاصك في كل شئ
أحب ادق تفاصيل تفعلها
هذه قبلة أطبعها على جبينك ويديك
فأنت حبيبي دائما
أبنتك المحبة دائما

الخميس، 29 أكتوبر 2009

مفيش كرامه فى الحب؟؟؟!!! + تحدييييييييييييييث

التحديث

بوست جديد فى

شقاوه اخر حاجه

طيور الجنه

مفيش كرامه فى الحب

كلمه بقينا نسمعها كتير قوى اليومين دول وبتحيرنى قوى

ما هو كل حاجه لازم يكون فيها كرامه حتى الحب

ممكن اه نتنازل شويه عشان زى ما بيقولوا كدا المركب تمشى

بس مش معنى كدا ان احنا نتنازل عن كرامتنا

طبعا الكلمه دى بقت منتشره قوى بين كل اتنين بيحبوا بعض

بس فى موضوع معين عاوزه اتكلم فيه وليه صله بالكرامه

وهو

ان البنت هى اللى تروح تقول للولد انا بحبك وطبعا لما تيجى تقولها ازاى البنت هى اللى تصرح بمشاعرها للولد ترد عليك وتقولك اصل الحب مفيهوش كرامه
طب ازاااااااااى؟؟؟؟

طب انا بيتهيالى ان الولد اكتر حاجه تعجبه فى البنت حياءها اللى فعلا بقى عمله نادره قوى اليومين دول.

ومتهيالى كمان فيه طرق كتير اوي ممكن البنت تعرف بيها مشاعر الولد ناحيتها غير المصارحه دي.

انا من راي البنت ما هي الا كرامة يعني لو راحت قالت للولد انا بحبك يبقي اتنازلت عنها و كمان حتي لو هو قلها و انا كمان بعدين مش هيحترمها
لازم تكون البنت نفسها عزيزة عليها
حتي لو كنت بحب واحد جدا و هو مجاش قالي يبقي لازم اصبر لحد ما هو يجى ويقولهالى

و اكيد البنت لما بتحب بيبان عليها و اكيد هو هيفهم من خلال تعاملها معاه الا اذا كان يعنى سورى بيستهبل.

وسؤالى دلوقتى ليكو وطبعا للشباب خاصه

لو بنت جت وقالتلك انا بحبك هتعمل ايه؟؟؟؟؟؟

طب لو انت كنت بتحبها يا ترى هتقبل انها هى اللى تيجى وتقولك بحبك هتبقى البنت دى ايه فى نظرك ساعتها؟؟؟؟؟

ولو مش بتحبها وجت قالتلك كدا بردو هيكون رد فعلك ايه؟؟؟؟؟؟

انا متأكده ان فيه منكم ولو واحد بس دلوقتى فى بنت جت وقالتلوا الكلمه دى

عاوزاكوا تتخيلوا الموقف وتقولولى هتعملوا ايه؟؟؟

وطبعا سؤالى بردو للبنات

يا ترى ممكن تروحى تقولى للشخص اللى بتحبيه انا بحبك مهما بلغت درجه حبك ليه؟؟؟؟؟

pink Dreams

الجمعة، 23 أكتوبر 2009

اســــئله ......و....... اجـــــوبه+ تحدييييييييييييييييث

التحديث

ماتنسوش بكره باذن الله مقاطعه الفيس بوك

اســــئله ........و......... اجـــــوبه

س- ما هو أكبر دليل على ما وصلنا اليه؟

ج- أن اشهر جمله فى أقسام البوليس تحولت لانجح أغنيه شعبيه "اه يانى ..يانى ..يانى.. مش هعمل كدا تانى".

س- ترى لو كتب طه حسين اليومين دول جزءا ثانيا من الايام ماذا سيكتب؟

ج- الأيام الكحلى

س- بعد كل النهب والسرقه عبر الاف السنين .. ما الاسم المناسب الان للمحروسه؟

ج- المحروته

س- من الاقوال المأثوره لاحد العشوائيين ؟

ج- من 30 سنه كان هتاف الناس سيد بيه .. يا سيد بيه كيلو اللحمه بقى بجنيه ... أما دلوقتى فالهتاف المناسب أحمد بيه .. يا أحمد بيه هى اللحمه طعمها ايه!!

س- يا فاطر رمضان يا خاسر دينك الكلبه السودا هتقطع مصارينك... ماذا تبقى من هذه العباره الرمضانيه المأثوره؟

ج- الكلاب السوده

س- من الاقوال المأثوره لاحد الفقراء؟

ج- عارف يا استاذ الفرق بين زمان ودلوقت ان زمان كانت الناس بتلبس طربوش ودلوقتى بقينا احنا الطربوش.

س- ما المكان الذى يستطيع الرئيس الامريكى السابق بوش ان يتحرك فيه دون خوف وبمنتهى الامان ؟؟

ج- القطب الشمالى

س- اذا كانت مصر غيط قصب فماذا يمثل الفقراء فيها؟

ج- الزعزوعه.

س- شعار الوحده الوطنيه " يحيا الهلال مع الصليب" وشعار الوحده الرمضانيه ؟؟

ج- تحيا الكنافه بدون زبيب.

س- متى سنرى الفقراء فى حاله ميسوره؟؟؟؟

ج- حينما ينجح الفيل ان يفرق الكوتشينه بزلومته.

س- أكمل.. 85% من حصة مصر في مياه النيل تذهب للزراعة ..؟

ج- و85% من الشعب المصري يموت من أثر تلك الزراعة!

المصدر ... الدستور

*********************

تابعونا فى بوست جديد

فى

طيــــــــــ الجنه ــــــــور

شقاوه اخر حاجه

الاثنين، 19 أكتوبر 2009

أحـــلام حـــائره

للرائع فاروق جويده

احـــــلام حــــــائرة

الموج يجذبني إلى شيء بعيد

و أنا أخاف من البحار

فيها الظلام

و لقد قضيت العمر

أنتظر النهار

أترى سترجع قصة الأحزان في درب الحياة؟

فلقد سلكت الدرب

ثم بلغت يوما.. منتهاه

و حملت في الأعماق قلبا عله

ما زال يسبح.. في دماه

فتركت هذا الدرب من زمن

وودّعت الحنين

و نسيت جرحي.. من سنين

******

الموج يجذبني إلى شيء بعيد

حب جديد

إني تعلمت الهوى و عشقته منذ الصغر

و جعلته حلم العمر

و كتبت الى الأزهار

الى الدنيا

إلى كل البشر

الحب واحة عمرنا

ننسى به الآلام في ليل السفر

و تسير فوق جراحنا بين الحفر..

******

الموج يجذبني إلى شيء بعيد

يا شاطئ الأحلام

يوما من الأيام جئت إليك

كالطفل ألتمس الأمان

كالهارب الحيران أبحث عن مكان

كالكهل أبحث في عيون الناس

عن طيف الحنان

وعلى رمالك همت في أشعاري

فتراقصت بين الربا أوتاري

و رأيت أيامي بقربك تبتسم

فأخذت أحلم بالأماني المقبلة..

بيت صغير في الخلاء

حب ينير الدرب في ليل الشقاء

طفل صغير

أنشودة تنساب سكرى كالغدير

و تحطمت أحلامنا الحيرى

تاهت.. في الرمال

و رجعت منك و ليس في عمري سوى

أشباح ذكرى.. أو ظلال

و على ترابك مات قلبي و انتهى..

* * * * * *

و الآن عدت إليك

الموج يحملني إلى حب جديد

و لقد تركت الحب من زمن بعيد

لكنني سأزور فيك

منازل الحب القديم

سأزور أحلام الصبا

تحت الرمال تبعثرت فوق الربى

قد عشت فيها و انتهت أطيافها

و رحلت عنها.. من سنين

بالرغم من هذا فقد خفقت لها

في القلب.. أوتار الحنين

فرجعت مثل العاشقين

- _-_-_-_-_-_-_-_-_-

تابعونا فى بوست جديد فى

طيـــــــــ الجنه ـــــــــــــور

شقاوه اخر حاجه

الثلاثاء، 13 أكتوبر 2009

يا ترى لو مكانه هتعمل ايه؟؟!! تحديث مهم جداااااااا

لو اختك جت فى مره وقالتلك انا بحب يا ترى هتعمل ايه؟؟؟؟؟؟؟

فى سؤال تانى دايما بيدور فى دماغى وهو ليه دايما الشباب بيحللوا الحب ليهم ويحرموه على اخواتهم البنات؟؟؟؟!!!!!

يعنى الاخ من دول حبيبته تقعد تتصل بيه وبيكلمها والحياه ماشيه عادى خالص

ولو عرف بس او حس ان اخته بتحب ولا حاجه حتى لو بينها وبين نفسها

يا سلام بقى كأن القيامه قامت وزى ما تكون عملت جريمه لا تغتفر وممكن كمان توصل للضرب

دا بدل ما يقعد معاها ويشوف الشخص دا كويس ولا لأ ... ويقنعها براحه بالصح .

هو الحب خلاص بقى عيب وميصحش حتى لو بيننا وبين نفسنا

يا ترى دى أنانيه ولا خوف على اخته ولا مجرد انه يتحكم فيها؟؟؟؟

والحكايه دى حصلت قدامى كتييييير جدا واكيد كمان حصلت قدامكوا

طبعا مش كل الشباب بيعملوا كدا بس اغلبهم

التحديث

التحديث دا مرتبط بالموضوع اللى فوق بس مع بعض الجوانب الجديده فى الموضوع

بصوا يا جماعه انا فى مبدأ مهم قوى فى حياتى ماشيه بيه واللى اتمنى ان كل البنات يكونوا هم كمان ماشيين بيه

انا طبعا ضد الحب اللى من ورا الاهل

يعنى لو مثلا فى شخص جالى وقالى بحبك وانا حسيت ناحيته بالقبول لازم اقول لاهلى والاهم انى اقول للشخص دا انه لو بجد شارينى وبيحبنى بجد يدخل من الباب على طول

ويعنى لو هو ظروفه ساعتها متسمحش ييجى بردو عشان يبين حسن نيه واكيد الاهل هيتفهموا ظروفه ويتفقوا على مده معينه يكون فيها نفسه

متهيالى هو دا الصح

انما واحد يجى بقى ويقعد يقول مثلا ازاى هتقدم وانا لسه معرفكيش والكلام الفاضى دا يبقى دا ناوى يقضى يومين ويفلسع على طول

ودا بردو حاجه بستغربلها جدا

طب هم عملوا فتره الخطوبه دى ليه ... مش عشان بردو نتعرف على بعض ونشوف دماغ كل واحد ماشيه ازاى وهنقدر نكمل مع بعض ولا لأ

عاوزه بس اوضح حاجه

كلامى اللى قبل التحديث دى حاجه بتحصل فى مجتمعنا فعلا

طبعا مش كل الشباب كدا بس فى كتير منهم بيحرموا الحب على اخواتهم وهم بيعملوا نفس الحاجه وعايشين حياتهم على الاخر

من غير ما يفكروا انه كما تدين تدان يعنى اللى بيعملوه مع بنات الناس هيتعمل فى اخواتهم او حد قريب منهم

ودا مش معناه انى موافقاهم بالعكس

انا ضد الحب اللى بيبقى من ورا الاهل

لان البنت اللى تخبى على اهلها قصه حب زى دى وتعيش حياتها عادى كدا

طب حتى لو الاهل تفهموا دا بعد كدا

اكيد الشخص اللى بتحبيه دا انتى بكدا ممكن تنزلى من نظره ويقول طب ما هى خبت على اهلها موضوع زى دا وخدعتهم

انا ايه اللى يضمنلى انها بعد الجواز تخدعنى بردو(طبعا مقصدش خيانه زوجيه او كدا لكن اقصد فى مواضيع تانيه)

ارجو ان وجهه نظرى تكون وصلت بالطريقه الصحيحه

pink Dreams

الاثنين، 12 أكتوبر 2009

وحشتووووووووووووونى

وحشتونى يا اجمل اصدقاء فى الدنيا

انا اسفه انى مكنتش متابعاكوا الاسبوعين اللى فاتوا بس للاسف النت كان فاصل عندى ومكنتش بدخل خالص

وميرسى جدا لكل اللى سالوا عليا

وان شاء الله مش هغيب عنكوا تانى

بس ادعوا بقى ان النت مش يفصل

وان شاء الله البوست هينزل قريب

pink Dreams

الجمعة، 25 سبتمبر 2009

فى بيتهم باب؟؟!!!! + تحدييييييث

بوست النهارده هيكون عن الرضا

فى ناس كتير قوى فقراء ومع ذلك راضيين

وفى ناس اغنياء ومع ذلك مش بيرضوا باللى ربنا كتبهولهم ومعندهومش نعمه الرضا

فى قصه اثرت فيا قوى جبتهالكوا

يا رب تعجبكوا

>>>>>>>>>>>><<<<<<<<<<<<<<<<

في حجرة صغيرة فوق سطح أحد المنازل , عاشت الأرملة الفقيرة مع طفلها الصغير حياة متواضعة في ظروف صعبة . . .
.. إلا أن هذه الأسرة الصغيرة كانت تتميز بنعمة الرضا

و تملك القناعة التي هي كنز لا يفنى . .

. لكن أكثر ما كان يزعج الأم هو سقوط الأمطار في فصل الشتاء ,

فالغرفة عبارة عن أربعة جدران , و بها باب خشبي , غير أنه ليس لها سقف !

. . و كان قد مر على الطفل أربعة سنوات منذ ولادته لم تتعرض المدينة خلالها إلا لزخات قليلة و ضعيفة ,

إلا أنه ذات يوم تجمعت الغيوم و امتلأت سماء المدينة بالسحب الداكنة . . . .

. و مع ساعات الليل الأولى هطل المطر بغزارة على المدينة كلها ,

فاحتمى الجميع في منازلهم , أما الأرملة و الطفل فكان عليهم مواجهة موقف عصيب..

نظر الطفل إلى أمه نظرة حائرة و اندسّ في أحضانها

, لكن جسد الأم مع ثيابها

كان غارقًا في البلل . . . أسرعت الأم إلى باب الغرفة فخلعته و وضعته

مائلاً على أحد الجدران ,

و خبأت طفلها خلف الباب لتحجب عنه سيل المطر المنهمر . . ...

فنظر الطفل إلى أمه في سعادة بريئة و قد علت على وجهه ابتسامة الرضا

, و قال لأمه : " ماذا يا ترى يفعل الناس الفقراء الذين ليس عندهم باب حين يسقط عليهم المطر ؟ ! ! "

لقد أحس الصغير في هذه اللحظة أنه ينتمي إلى طبقة الأثرياء . .

. ففي بيتهم باب !!!!!! ,

ما أجمل الرضا . . . إنه مصدر السعادة و هدوء البال , و وقاية من أمراض المرارة و التمرد و الحقد

*********************

التحديث

تم افتتاح منتدى جديد

تبع مدونه طيور الجنه

يا ريت تنورونا فيه

منتدى طيور الجنه

مدونه طيور الجنه

جروب طيور الجنه على الفيس بوك

pink Dreams

الأربعاء، 23 سبتمبر 2009

يا فرحه ما تمت

انا للاسف جايبالكوا خبر مش حلو النهارده

احزننى قوى وضايقنى جدا جدا اول ما سمعته

طبعا اغلبنا عارفين ان الوزير فاروق حسنى وزير الثقافه مرشح ان هو يبقى مدير عام اليونسكو

انا مش قادره اقولكوا ساعتها الخبر دا فرحنى قد ايه مش عشان اترشح بس

لكن كمان دا اول عربى يكتسح فى عدد الاصوات فى الجولات

ودا طبعا حسسنى بالفخر لانه مصرى ودا منصب مهم جدا فى اليونسكو

لكن للاسف تاتى الرياح دائما بما لا تشتهى السفن

كان فى ضغوط على الدول انها مش ترشح الوزير فاروق حسنى وكل دا ليه لانهم مش عاوزين شخص مصرى يمسك المنصب دا او بمعنى اصح مش عاوزين واحد عربى يبقى فى المنصب المهم دا

اللى كان هيخلى العرب يتقدموا فى مجال الثقافه

للاسف الشديد النهارده اللى فاز بالمنصب دا هى البلغاريه ايرينا بوكوفا

بعد ما كان خلاص كل التوقعات ان الوزير فاروق حسنى هو اللى هيفوز

طبعا الخبر دا ازعجنى جدا جدا لان هو لمجرد انه عربى الدول الاجنبيه(طبعا مش محتاجه اقول هم مين الدول دى) حاربوه وضغطوا على باقى الدول انهم مش يرشحوه على الرغم من ثقتهم التامه من انه يستحق المنصب دا وجدير بيه

ودا مش تجنى على الدوله دى او انحياز للوزير فاروق حسنى بل بالعكس اعلنوا عن الدوله دى صراحه على شاشه التليفزيون واللى هى امريكا (اللى هى المفروض انها بلد الديمقراطيه)

لو كان الوزير فاروق حسنى خسر بس بمنافسه شريفه انا مكنتش زعلت لان يكفى شرف انهم رشحوه للمنصب وانهم شايفين انه يستحق هذا المنصب.
واللى زعلنى كمان ان مؤسسه زى دى اتحولت من ساحه ثقافيه الى ساحه سياسيه تتنازع فيها الدول

معلش بقى دوشتكوا

بس بجد اتضايقت بسبب اللى حصل دا خصوصا بعد اللى سمعته عن تدخل دول ليتنحى فاروق حسنى عن المنصب

انا عارفه انى مش كاتبه سياسيه ومعنديش الوعى الكافى انى اكتب فى موضوع زى دا بس انا كتبت بس اللى حسه بيه واللى متهيالى اللى مصر كمان حسه بيه دلوقتى من غير اى تجمل فى الكلمات.

ملــحوظه... انا مش زعلانه عشان فاروق حسنى بس انا زعلانه على ان دا كان هيكون فيه فايده لمصر وثقافتها

pink Dreams

الأحد، 20 سبتمبر 2009

عــــــــــــــ سعيد ـــــــــــــــيد

عيد سعـــــــــــــــيد

كل سنه وانتوا طيبين يا احلى اصحاب فى الدنيا

عيد سعيد عليكوا يا رب وعلى كل اللى بتحبوهم

النهارده بقى انا مش عندى عيد واحد لا انا عندى عيدين

العيد الاول وهو عيد الفطر طبعا

اما بقى العيد التانى فهو يوم غالى على قلبى قوى قلت احتفل بيه معاكوا

وهو عيد صداقتى انا وحنين يوم 21-9

يوم الاتنين ان شاء الله هيكون كدا عدى على صداقتى انا وحنين 4 سنين بالظبط

ربنا يخليها ليا يا رب وميحرمنيش منها ابدا ابدا

ومتخافوش منسيتش العديه

ودى بقى العيديه بتاعتكوا

بس بقولكوا ايه خليكوا ناصحين يعنى اصرفوا نصها(جيبوا بيه صواريخ طبعا) وحوشوا النص التانى

القرش الابيض ينفع فى اليوم الاسود بردو

هههههههههههههههههههههههه

كل عام وانتوا بخير

pink Dreams